[HALA BIDEO] Errota Anitza egitasmoaren aurkezpen jaia ospatu dute
Errota Anitza egitasmoak auzoko komunitate kultural desberdinak biltzen ditu. Errota Zaharra elkarteak antolatu du hori ezagutzeko aurkezpen jaia. Elkarbizitzaren eredu, auzokideak elkartzeko eta aniztasuna bultzatzeko festa izango da, antolatzaileek azaldu dutenez.
Goizean, auzokideen arteko harremanak sendotzeko eta auzoaren inguruan dituzten kezkak partekatzeko espazioa ireki dute. Haurrentzako Ane Gebara ipuin kontalariaren saioa egon da.
Herri bazkariaren ostean, 16:00etatik aurrera, poesia txokoa, bertsorap emanaldia, Karabankunda perkusio afrikarra eta Royal Cloud dantza urbano ikuskizunak izan dira protagonista.
Udaltzaingoa agertu eta arrazakeriaren aurkako pankarta bat kenduarazi du.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
