Errekaleorren 4. urteurrena ospatuko dute irailaren 28tik 30era
Tailer ezberdinak, kontzertuak, hitzaldiak, herri kirolak… eta beste hainbat ekimen antolatu dituzte auzoa berreskuratu zutenetik lau urte betetzen direnean. Iraileko Muinoko Hotsak ere Errekaleorren ospatuko dute oraingoan.
Egitaraua ikusiz gero, auzoko jaiak direla ematen du. Baina ez, Errekaleorrek lau urte bete ditu. Lau urte ikasle talde batek bertako bloke hutsak okupatzeari ekin zionetik. Hori ospatzeko egitarau oparoa antolatu dute iraila amaieran: auzo guztia baliatuko dute hau aurrera ateratzeko… nobedade txiki batekin gainera. Kalean ere eszenatokia egongo da oraingoan. Gainera, urteurrenaren kontestuan, irailaren 26an “Pala desafiyo intergalaktikoa” egingo dute.
Irailaren 28an, ostegunean, hasiko den urteurren honetan antzerkia, zenadore feminista, hitzaldia eta beste hainbat kontu egongo dira. Ostiralean, kontzertuak egongo dira: iraileko Muinoko Hotsak -Gasteizko Gaztetxeak eta Hala Bedik elkarlanean ospatzen duten jaialdia- Errekaleorren ospatuko dute muinoko etxean egin ordez. Egitarau osatuena larunbatekoa izango da; goizetik hasita, umeentzako gunean egongo da eta goizeko ordu txikitan amaituko da parranda kontzertuekin (Estricalla, besteak beste).
Egitaraua osorik
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
