Dozenaka lagun bertaratu dira Laudioko Gaztetxera, hustea ekiditeko
Irudia: Gedar Langile Kazeta
Iragan astean jakinarazi zioten Laudioko Gazte Asanbladari ekainaren 13an, astelehena, hustuko zutela Gaztetxea. Asanbladako kideek espazioa babesteko asmoa adierazi zuten, eta horretarako deialdiak egingo zituztela iragarri.
Gaur, desalojoaren egunean, dozenaka gazte elkartu dira Laudioko Lamuza plazan. Aiaraldea.eus hedabidearen arabera, 60 bat lagun bertaratu dira eta parkeko ateak itxi dituzte. Ondoren, Lamuza parkera doan errepidea moztu dute, protesta gisa. Udaltzainak ere bertaratu dira eta auto ilarak sortzen hasi dira, Gedar Langile Kazetaren arabera.
Udaltzainak eta Ertzaintza bertaratu dira. Aiaraldeak jakinarazi duenez, Ertzaintza oldartu egin da kalea moztu duten gazteen aurka eta bi kazetari identifikatu ditu.
Sare sozialetan jarraipena egiten ari dira aipatutako bi hedabideak.
Gaztetxearen ondoko errepidea moztu dute hainbat pertsonak, protesta modura pic.twitter.com/REsCPw699J
— Gedar.eus (@GedarLangileKZ) June 13, 2022
Udaltzainak bertaratu dira pic.twitter.com/aOBZIjFuaS
— Aiaraldea.eus (@aiaraldea) June 13, 2022
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
