[Hala Bideo] Fracking Ez plataformak Subillana-Gasteizko gas putzuarekiko susmoak dituela salatu du
Fracking Ez plataformak kezka agertu du Euskadiko Hidrokarburoak (SHESA), Eusko Jaurlaritzaren menpeko sozietate publikoa, Armentia-2 izeneko gas putzu baterako baimena tramitatzen ari delako. Subillana-Gasteizen dago putzu hori, azken urteetan SHESAk fracking teknika erabiltzeko asmoa izan duen leku berean.
Hala Bideo Fracking Ez Araba plataformako Amagoia Murua eta Luis Casado kideekin egon da eta gas putzu honen ustiapen berriarekiko susmoak azaldu dituzte. Izan ere, azken urteotan errentagarritasunik ez omen zuten teknika konbentzionalak erabiliz atera nahi dute gasa bertatik. Horrez gain, teknika konbentzionalak edo ez-konbentzionalak erabiltzearen eztabaidaren gainetik, eredu energetikoan kokatzen dute jendartean eman beharreko eztabaida.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
