Izan Media tailerrak, urrats sendo bat herri mugimendua ahalduntzeko bidean

Ikasturtero bezala, giro ezinhobean antolatu zituen Hala Bedik Izan Media herri komunikazio tailerrak pasa den larunbatean, urtarrilaren 19an, Oihaneder Euskararen Etxean.

35 bat pertsonak parte hartu zuten aurtengo edizioko tailer ezberdinetan: bideogintzan, kartelgintzan, irratigintzan zein prentsa eta sare sozialetan ahalduntzeko helburuarekin. Bideogintza tailerreko ikasleek beraiek egindako bideo honetan, eguneko irudiak bildu ditugu.

Eta orain zer?

Orain, herri mugimenduetan zein Hala Bedin bertan ikasitakoa praktikara eramateko ordua da tailerretan parte hartu zuten lagunentzat.

Horretarako aukera ederra izan daiteke Hala Bedin parte hartzea eta proiektu honen parte izatea. Tailerrean parte hartu dutenek formakuntza minimo bat jaso zuten larunbatean, baina Oihaneder Euskararen Etxera hurbiltzeko aukera izan ez zenutenok ere parez pare dituzue ateak zabalik, eta beharrezko formakuntza minimoa irratian eskaintzeko prest gaude.

Harremanetan jartzeko: harremanak.halabedi@gmail.com

Basoaren koloreak: basogintza eredua bidegurutzean

Azken aldian, euskal basoetan jazotako gaitzaz asko hitz egin da. Antza denez, Lecanosticta acicola onddoak eragindako gaixotasunak jota, pinuak hilzorian daude Euskal Herriko basoetan. Nahiz eta ondorio larrienak Bizkaian eta Gipuzkoan bizi diren, gure lurraldea ez da egoera honetatik kanpo geratu.

Arabako basogintzaren ahots ezberdinak bildu ditu Hala Bideok erreportaje honetan, egoera zehatz honetatik doan arazoa ezagutzeko eta basogintza ereduaz sakonean hausnartzeko. Zein izan da egoera hau eragin duen arazoa? Nola garatu da basogintza eredua Euskal Herriko herrialde ezberdinetan? Ba al dago alternatibarik?

‘Talka’ espazio feminista okupatua errealitate bihurtu da

24 ordu baino gehiago igaro dira emakume* talde batek, “sistemaren partetik jasan behar ditugun erasoetaz kezkaturik”, Gasteizko Zapatari kaleko 101. zenbakian kokatuta dagoen Álava-Velasco Jauregiaren okupazioa publiko egin zuenetik, TALKA izeneko proiektua sortzeko.

Dagoeneko errealitate bihurtu den espazio feminista honen okupazioaren eta lehen orduetako bizitzaren irudiak bildu ditu Hala Bideok. Gainera, ekimenaren nondik norakoak jaso ditugu, TALKAko ekintzailetako baten hitzetan.

  • Proiektu berri honen azken orduko nobedadeen berri izateko, klikatu hemen.
  • Jauregiaren historia bildu dugu hemen.

 

Montauk eta Izaki Gardenak, erraietako soinuen lekuko

Azken asteotan, bi talde gasteiztarrek diska berriak kaleratu dituzte, Erraia Diskoak zigilupean: Montauk-ek ‘Geruzak’ izeneko lana aurkeztu zuen urrian, eta azaroaren amaieran, Izaki Gardenak taldeak ‘Dena Oskol’ diska berria argitaratu du.

Nobedade hauek aitzaki hartuta, Montauk taldeko Beñat Goitia eta Izaki Gardenak-eko Jon Basaguren bildu ditugu Zuloa Irudian HalabeditaROCKeko edizio berri batean.

Bi belaunaldi ezberdinetako musikariak dira eta, azken aldian, elkarlanean aritu dira Erraia Diskoak zigilua sortzeko, beste kide batzuekin batera. Solasaldi interesgarri honetan, euren sorkuntza prozesuen inguruan aritu dira Goitia eta Basaguren. Kantaren sorreratik, taldearekin lantzera. Entsegu lokaletik, estudioan grabatzera. Eta diskaren ediziotik zuzeneko emanaldietara.

Aurki, lan berriak aurkezteko lehen kontzertuak eskeiniko dituzte biek. Montauk-en kasuan, abenduaren 23an Oihaneder Euskararen Etxean izango da, 360º-ko emanaldi batean. Eta Izaki Gardenak-en lan berria zuzenean entzuteko lehen geltokia Jimmy Jazz aretoa izango da, urtarrilaren 12an.

2018/2019 ikasturteko nobedadeei ongi etorri beroa eman die Hala Bedik, parrilla berria aurkeztuz

Gazte Bulkadak, Basati Irratia, Traumreise eta Piuke Ausart irratsaioak nobedadea izanik, Hala Bedik 34 irratsaio propioz osatutako 2018-2019 ikasturteko parrilla berria aurkeztuko zuen pasa den larunbatean. Hala Bedi Tabernak ere, egutegi kultural zabal bati hasiera eman zion, parrillada guzti horren abiapuntua izanik.

Ikasturte hasierarekin batera, Hala Bedi irratiak ikasturte berrirako dituen nobedadeen berri eman zuen larunbatean, azaroaren 17an, dagoeneko klasiko bihurtu den Parrillada Egunarekin. Gainera, Hala Bedi Tabernan egindako aurkezpenean, urtero legez, gonbidatuz betetako zuzeneko irratsaioa egin zen tabernatik bertatik eta hurbildu zirenentzako zizka-mizkak ez ziren falta.

2018-2019 ikasturteko programazio berrian, lau dira aipatzekoak:

  • Traumreise | Musika elektronikoari eskainitako irratsaioa. Larunbatero gaueko 23:00etatik 24:00etara entzungai, Hala Bedi Bat-en.
  • Basati Irratia | Drum’n’bass, dubstep eta gertuko musika zein rave eta underground kultura oinarri izango dituen irratsaioa. Gautxorien bafleak astinduko ditu larunbatero gaueko 1:00etik 3:00etara, Hala Bedi Bat-en.
  • Gazte Bulkadak | Gazteengandik gazteentzako egindako irratsaioa, Gazte Mugimenduen espresio ezberdinek lantzen dituzten gai zein proiektuak ezagutarazteko eta hausnarketak emateko tartea. Asteartero 19:00etan Hala Bedi Bat-en entzungai.
  • Piuke Ausart | Hego Ameriketako jatorrizko herrien eta, bereziki, Mapuche herriaren inguruko berriak landuko dituen irratsaioa. Igandero 14:00etatik 15:00etara entzungai Hala Bedi Bat-en.

Gainera, aurreko ikasturtearen erdialdera martxan jarri zen Poeta Madarikatuak irratsaioa, irakurzaleek irakurzaleentzat egindako saioa, ere entzungai izango da igandero 21:00etatik 22:00etara.

Aipatutako irratsaio hauek guztiak Hala Bediren kate elebidunean izango dira entzungai, Hala Bedi Bat-en (107.4 FM Gasteiz eta Lautadan / 107.7 FM Arabar-Errioxan).

34 irratsaio propio izango ditu aurten Hala Bedik

Hala Bedi Bi-ri dagokionez, euskara hutsezko katea (88.8 FM Gasteiz eta Lautadan), ikasturte honetan ere Araba Hizpide goizeroko magazinarekin aurrera jarraituko dute, astelehenetik ostiralera, goizeko 8:30etik 10:00etara, aktualitateari eta inguruko albisteei goizeroko errepasoa egiteko. Horretaz gain, 21:00etan hasita, Arrosa Sareari esker gurean entzungai izango ditugun beste irrati batzuetako programak eskainiko dira egunero. Gainera, larunbat eta igandetan, 10:00etan, Alai Bedi umeen irratsaioa entzun ahal izango dute etxeko txikienek kurtso honetan ere.

Ohiko magazinetaz gain –Suelta la Olla, Zebrabidea eta Kantoia-, 34 irratsaio propio daude aurten Hala Bedi Bat-eko parrillan: 12 euskaraz izango dira, 21 gazteleraz eta bat galizieraz.

Tabernaren ikasturte berria

Hala Bedi Tabernan ere, hasiera eman diote 2018-2019 ikasturteari eta parrillada ere izan zen ekimen horietako bat. Hala ere, badaude beste hainbat ekintza, programazio kulturala betetzen dutenak: Erria aldizkariaren aurkezpena, kontzertuak, Bertxoko sariketa… Gainera, hilabetean behin Hala Bediko irratsaio ezberdin bat DJ gisa arituko da eta musika pintxatuko du tabernan. Lehenengoa, Basati irratsaioa izango da, azaroaren 24an.

  • 18, igandea (19:30): Mau Lee & The Kutxaratxas kontzertua (folk zikina, AldeZaharra-Errekaleor).
  • 22, osteguna (23:00): DJ Maripili.
  • 24, larunbata (23:59): DJ Boskebeat (Basati irratsaioa, Drum&Bass).
  • 27, asteartea (19:00): Erria aldizkariaren aurkezpena.
  • 29, osteguna (20:00): Bertxoko sariketaren finala + DJ Ous.

Halabeditarrak | Pikara Magazine y O No Será, tejiendo redes feministas en el espacio comunicativo

A raíz de la presentación del 6º Anuario de Pikara Magazine en Gasteiz, realizada la semana pasada en los locales de Hala Bedi, Hala Bideo ha reunido a Andrea Momoitio -de Pikara– y a Amaia Villanueva -del programa sobre feminismos de Hala Bedi, O No Será-. Ambos proyectos iniciaron una alianza gracias a la cual, entre otras cosas, O No Será también puede escucharse a través de la web de Pikara.

En esta nueva edición de Halabeditarrak, ambas periodistas charlan y reflexionan sobre sus respectivos proyectos, y también sobre medios, comunicación, feminismos, alianzas y ciberacoso machista, entre otros temas. En plena era digital, el feminismo continúa tejiendo redes en el espacio comunicativo.

“Presoen senide eta lagunen bizitza ezin da zortearen eskuetan utzi”

Azaroaren 3an aske gelditu zen Alfredo Remirez ‘Erre Harria’ amurrioarra, urtebetez espetxean egon ondoren. Berriro etxean dago, libre, eta aste honetan, Hala Bediko estudioetan izan da. Besteak beste, espetxealdia, sakabanaketa, adierazpen askatasuna eta euskal preso politikoen egoera izan ditu hizpide Araba Hizpide magazinean egindako elkarrizketan.

2015an atxilotu zuten Remirez, Armiarma operazioaren baitan, eta 2017an urte erdiko zigorra ezarri zion Espainiako Auzitegi Nazionalak, sare sozialetan “terrorismoa goratzea” egotzita. Aurretik, 2009an, urtebeteko zigorra ezarria zuen, herriko jaietan preso baten panpina ateratzeagatik. Bi zigorrak aintzat hartu zuen Auzitegi Nazionalak Alfredo espetxeratzeko.

Auzoaren aniztasuna bor-borka ‘Errota Anitza’ umeen lasterketan

Urriaren 21ean, hirugarren aldiz antolatu zuten ‘Errota Anitza’ umeen herri lasterketa Gasteizko Errota auzoan, auzokideen arteko harremanak sendotzeko helburuarekin. Lasterketa hau, urtean zehar auzoko komunitate kultural ezberdinak biltzen dituzten ekimenetako bat baino ez da, eta oraingoan, ehundaka umek korrika egin dute.

‘Errota Anitza’-ko kide diren Pili Mendoza eta Unai Bergantzurekin izan da Hala Bideo, kultur aniztasunaren aldeko ekimen hau hurbiletik ezagutzeko. Elkarbizitzaren sinbolo bihurtu den ekimen honen oinarria eta etorkizuna umeak dira, eta lasterketan parte hartu zuten Mara, Maddi, Noa eta Sararekin ere izan gara. Izan ere, bost kategoria daude lasterketa honetan, bi urteko haurretatik hasita, 12 urteko gaztetxoetaraino.

Lasterketaren ostean, nola ez, ekimen, joko eta tailer ezberdinak antolatu ziren Santo Domingo Plazan, diskofesta eta Sustrai Doinuak taldearen emanaldiarekin batera. Azkenik, sari banaketa eta hamaiketakoa: bertan, munduko gastronomia ezberdinak dastatu ahal izan zuten partehartzaile guztiek.

Errotako komertzio txikien eta taberna ezberdinen laguntza izateaz gain, auzoko eskola publikoen babesa lortu du ekimen honek urteen poderioz: Landazuri, Santa María, Odón Apraiz, Ramón Bajo, Divino Maestro, Luis Elejalde, Abendaño eta Samaniego. Horretaz gain, Pilik eta Unaik nabarmentzen duten bezala, Kimuak, Goian edota auzoko gazte mugimenduaren ekarpena ere ezinbestekoa izan da.

HalabeditaROCK | The Baboon Show: “Nos encanta el público en Euskal Herria, están tan locas como nosotras”

The Baboon Show nació en Suecia en el año 2003, bajo la influencia de la primera ola del punk y con el protagonismo de las mujeres sobre el escenario. El 13 de octubre ofreció un concierto en la sala Jimmy Jazz de Gasteiz. Semanas antes se agotaron todas las entradas, pero también organizaron un concierto para niños y niñas por la mañana.

Hala Bideo emitió este concierto en directo, y tuvo la oportunidad de charlar con Frida Ståhl y Håkan Sörle, dos miembros de la banda, sobre el recorrido del grupo, su relación con Euskal Herria y con Cuba, la presencia de mujeres en la música, la situación política en Suecia y a nivel internacional o el ascenso de la extrema derecha, entre otros temas.


The Baboon Show | Concierto ‘Kids to the Front’

’35 años de mala fé’: así fue la última Procesión de las Farolas perpetrada por Hala Bedi

Tal y como acostumbra a realizar cada cinco años, Hala Bedi perpetró el pasado 6 de agosto una nueva Procesión de las Farolas, para conmemorar el 35 aniversario de su nacimiento, walkie talkie en mano, allá por el año 1983.

Con la inestimable colaboración de la Txaranga Punk mostoleña y de Orbain Kultur Elkartea, cientos de personas alabaron los siete lustros de existencia de este proyecto comunicativo, recorriendo en procesión el peregrinaje que unió Hala Bedi Taberna y las txosnas de Gasteiz, en plenas fiestas de la capital alavesa.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies