Baserria| Sendabelarrak eta horien erabilera
Gorka Menendezek lau astetik behin egiten digun baserriko kolaborazioa izan dugu gaurkoan.
Aurreko kolaborazioan herri medikuntzaz hitz egin genuen, baserri aurrekapitalistetan ematen zen praktika gisa. Horren baldintza materialak azaldu zituen Gorkak eta ahoz ahozko transmisioaren garrantzia azpimarratu zuen, jakituria etnografiko gisa. Hainbat sendabelarren inguruan mintzatu ginen, hala nola, pasmobelarra, te de roca, berbena edota asunak dituzten propietateez eta horiei emandako erabileraz.
Gaurkoan, baserrietan ohiko erabilera zeukaten hainbat sendabelarren ezaugarriak azaldu dizkigu. Arnas aparatuari laguntzeko, pulmoni-belarra eta karraskila aipatu ditu. Azal arazoei dagokienez, iodo-belarra eta ebagi belarrak aipatu ditu, horietan sinbolismoak eta erritualek zeukaten garrantzian sakonduz. Gainera, azaleko arazoak osatzeko erabilitako ukenduen errezeta azaldu digu, baita tipularekin eta arraultzaren egindako enplastoarena ere. Akitzeko, digestio aparatuan zentratu da, aurreko eguneko mantzanilla eta te de roca infusioak aipatzeaz gain, zizareei aurre egiteko ario-belarra, boskotsa eta mamukioa erabili ohi direla azaldu digu. Azken hauekin adi ibili behar garela aipatu du, dosien arabera pozoitsuak izan daitezkeela azalduz.
Kolaborazio guztia hemen entzungai:
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
