Argantzongo Udalak berretsi egin du Araban integratzeko hautua, Gaztela eta Leongo Juntak errekerimendua jarri ostean
Trebiñu Araban integratzeko zenbait ekimen bultzatzen zituen adierazpen bateratua onartu zuten abenduan Trebiñu eta Argantzongo Udalek. Gaztela eta Leongo Juntak erretiratzeko eskatu du, baina uko egingo dio Argantzonek bihar osoko bilkuran.
Gaztela eta Leongo Juntak errekerimendua jarri dio Argantzongo Udalari, Trebiñu Araban integratzearen aldeko adierazpen bat erretiratu dezan. Aragantzongo Udalak jakinarazi du baztertu egingo dutela Juntaren eskakizuna biharko osoko bilkuran.
Joan den abenduan, Trebiñuko eta Argantzongo udalek adierazpen bat onartu zuten, enklabea Araban integratzearen aldeko ekimenak bultzatzeko: “dagoeneko luzea den martxa honetan urratsak egiten jarraitzeko, eta, prozesu historiko honetako beste une batzuetan bezala, Trebiñu Araban sartzeko prozesua suspertzeko, arrazionaltasuna lortzeko eta justifikaziorik gabeko kalteak eta arazoak saihesteko”.
Adierazpen horretan, Trebiñu Araban integratzearen aldeko komunikazio-kanpaina bateratua abiaraztea eta lan-mahai bateratua sortzea aurreikusten zuten udalek. Era berean, herritarrei dei egiten zitzaien “ekimen honen sustapenean lagundu eta antolatzeko, Trebiñuko enklabea Araban integratzeko helburuarekin herritarren funtsezko eta ezinbesteko motorra izan zitezen”.
2022ko urtarrilaren 17an, Gaztela eta Leongo Juntak errekerimendu bat egin zion Argantzongo Udalari osoko bilkurak erabaki hori bertan behera uzteko zezan. Gaztela eta Leongo
Juntak dio nazioaren interes orokorretan eragin negatiboa duela eta Udalaren eskumenak gainditzen dituela.
Argantzongo Udalak, berriz, berretsi egin du enklabea Arabako Lurralde Historikoan sartzeko asmoa, eta gogorarazi du Gaztela eta Leongo Estatutuak berak arautzen duela egiteko prozedura.
La Puebla Arganzo_requerimiento JCyL
20220118_Comunicación_Orden anulación acuerdo de pleno
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
