All in da Haus freestyle txapelketako finala urtarrilaren 20an jokatuko da Gasteizko Gaztetxean
All in da Haus freestyle txapelketaren finala jokatuko da urtarrilaren 20an, larunbatarekin, Gasteizko Gaztetxean. Euskal Herriko hainbat txokotan kanporaketak jokatu eta gero, hauxek dira finalean kantatuko duten freestylerrak: Izar, Kazz, Ekaitz, Lil Zikuta, Viñaspre eta Aissa.
All in da Haus freestyle txapelketaren finala jokatuko da urtarrilaren 20an, larunbatarekin, Gasteizko Gaztetxean. Euskal Herriko hainbat txokotan kanporaketak jokatu eta gero, hauexek dira finalean kantatuko duten freestylerrak: Izar, Kazz, Ekaitz, Lil Zikuta, Viñaspre eta Aissa.
18:30etan irekiko dituzte Gaztetxeko ateak eta 19:00etan hasiko da saioa. Edi & Papaya DJ eta Xerula izango dira aurkezleak. Epaileak, oraingoan, Ningra, Haizeatxo eta Abaskal. Freestyla bakarrik ez, kontzertuek ere izango dute lekurik, Suaia eta Komadüren eskutik. Bukatzeko, 22:30etan freestyle finala jokatuko da.
Azaroan hasi zen txapelketa. Hiru kanporaketa jokatu ziren hilabete horretan zehar: Baionako Zizpa Gaztetxean, Gernikako Astran eta Arrasateko Gaztetxean.
All in da Haus freestyle sariketa preso politiko gasteiztar baten askatasuna aldarrikatzeko jaio zen 2016an Ekaitz in da haus izenarekin eta preso politiko guztien askatasuna aldarrikatzeko lehiaketan bihurtu da azken edizioetan. Presoak etxeratzeko aldarria zabaltzea da jaialdiaren helburua eta, horrekin batera, rap eta hip hop eszenan euskaraz egiteko bultzadatxoa emateko aitzakia izatea.
🎤 ALL IN DA HOUSE FREESTYLE TXAPELKETA ✨FINALA✨
📅 Urtarrilak 20, larunbata
📍Gasteizko Gaztetxean🕡 18:30 Irekiera
🕖 19:00 Freestyle hasiera
💥IZAR
💥KAZZ
💥EKAITZ
💥LIL ZIKUTA
💥VIÑASPRE
💥AISSA
Aurkezleak EDI&PAPAYA
DJ XERULA
🕤 21:30 SUAIA&KOMADÜ
🕥 22:30 Finala pic.twitter.com/INoUfe7CHj— Gasteizko Gaztetxea (@GasteizGaztetxe) January 9, 2024
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
