23. Korrika, Irundik Baionara
‘Harro herri’ lelopean egingo dute 23. Korrika, 2024ko martxoaren 14tik 24ra. Irunen hasiko da eta Baionan amaitu. Euskal Herriari itzulia emango dio eta, jakina, igaroko da Arabatik ere.
Aurten, Ipar Euskal Herriko ikasleek azterketak euskaraz egiteko duten eskubidearen aldeko Azterketak Euskaraz ekimena omenduko du Korrikak.
Gasteizen, Korrika kulturalaren Badon* ikuskizunak hasiko du Principal antzokiko Eguberrietako denboraldia abenduaren 1ean. Artista garaikide ugarik parte hartuko dute Badon obran.
Bestalde, azaroaren 23an irekiko dute Korrikaren Gasteizko denda, Aldabe kaleko 7 zenbakian. Inaugurazio ekitaldia egingo dute, jatekoa eta kontzertu akustikoarekin.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
