21. Korrika iragarriko duen spota grabatzeko bolondresak behar dira
2019ko udaberrian 21. Korrika-k Euskal Herria zeharkatuko du, AEK-k antolatutako ekimen ikusgarrian. Motorrak berotze aldera, egunotan 21. Korrika iragarriko duen spotaren atal bat grabatuko dute Gasteizen, Salburua auzoan zehazki.
Baina erronka ez da makala: 100 lagun baino gehiago behar dituzte bideoa ondo ateratzeko. Hori dela eta, parte hartzeko gonbitea luzatu diete herritar guztiei.
Grabaketa lanak irailaren 24an, astelehenean, izango dira, arratsaldeko 18:00etatik 21:00etara.
Profil ezberdinak behar dituzte, adin guztietakoak. Interesatuta daudenek emaila bidali behar dute gasteiz@aek.eus helbidera, izen-abizenak eta adina zehaztuz.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
