Eolikoen mehatxupean dauden mendiak ezagutzeko irteerak antolatu ditu Arabako Mendiak Askek
2021eko udan eta udazkenean egindako "Babestu maite duzun media" dinamikari emango diote jarraipena. Azaroaren 16an elkarretaratzea egingo dute Gasteizen, kanpainari bukera emateko.
2021eko “Babestu maite duzun mendia” dinamikarekin egindako mendi irteera bateko irudia.
Arabako Mendiak Askek mendi ibilbideak antolatu ditu, aurten ere, enpresa energetiko batzuek zentral eolikoak jartzeko aukeratu dituzten mendietan. “Maite duzuna zaindu ezazu” kanpainaren baitan egingo dira txangoak, eta espazioak defendatzeko kontzientzia sortzea dute helburu.
Udan hasi eta udazkenera arte luzatuko da mendi irteeren programazioa. Uztailaren 23an egingo dute lehen irteera, Aramaion. Abuztuaren 20an izango da bigarrena Azazetan. Bigarren zita hori berezia izango da: kanpaldia eta kontzertuak ere antolatuko dituzte. Beste hiru txango ere izango dira: irailaren 10ean, irailaren 24an eta urriaren 29an; Orozkon, Kantoblankon eta Amurrion, hurrenez hurren. Dinamikari amaiera emateko, kontzentrazioa deitu dute Gasteizen azaroaren 26an.
Joan den udan ere mendi ibilbide ugari egin zituzten “empresa transnazionalek baliabide naturalak ustiatuz eta biodibertsitatea arriskuan jarriz, bereganatu nahi dituzten mendiak ezagutarazteko”. Aurtengo kanpainarekin jarraipena emango diote dinamika horri, “ezagutzen ez dena ezin baita defendatu”.
Arabako Mendiak Askek ohartarazi du zentral eolikoak bezalako megaproiektuek “eskrupulurik gabeko konpainien epe laburreko interesei” egiten diela soilik mesede, biosfera suntsituz eta, horrela, bizitzarako beharrezko baldintzak ere bai, krisi ekolosoziala areagotuz.
Kolektiboak uste du naturguneen zaintza “gizartearen agindua” dela, eta agintari zein komunikabideek arduraz jokatu behar dutela: “Sortuko lituzketen afekzioen errealitatea ezin da ukatu, eta beharrezkoa da ebidentzia hori gizarte-mailan horrela tratatzea, eztabaida aldez aurretik erosita egon ez dadin eta etorkizunari begiratzeko gai izan gaitezen, bizitzaren kontserbazioarekin maila guztietan konprometituz”.
Uztailaren 23an, Aramaion
Dinamika hasiko duen mendi irteera datorren larunbatean egingo da Aramaion. Bi ibilbide antolatu dituzte:
- Luzea: 12km-koa. 9:00etan frontoitik hasita Kurutzeta, Urakogain, Ganborralde, Asensiomendi, Zabaldu baserria eta Azkuatik igaroko da, Aramaiora itzultzeko.
- Laburra: 8km-koa. 10:00etan Kurutzetan hasi eta Durakogain, Ganborralde eta Asensiomenditik Kurutzetara berriro.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
