Gure Esku Arabak gaueko igoera antolatu du Gorbeia mendira gailurra argiztatzeko. Via Pirinenca-Pirinioetako Bidea ekimena sustatzeko egingo diren ekitaldien artean dago Gorbeia mendia igotzea.

Arabako kirol jardueretako langileen asanblada enpresekin bildu da eta horiek egindako proposamena onartzea erabaki du. Hortaz, bertan behera utzi dute maiatzaren 10etik 14ra egindako greba deialdia.

Osakidetzari Araiako osasun zentroko zerbitzuak berreskuratzeko exijitu diote dozenaka herritarrek, azken asteetan Aguraingo osasun zentroko hutsuneek eragindako egoeraren aurrean: “Herrietako osasun zentroetan murrizketarik ez!”.

Gaur, maiatzak 6, 19:00etan Andra Mari Zuriaren plazan izango da kontzentrazioa.

LAB eta ESK sindikatuek greba deialdiak egin dituzte Mercedes-Benz enpresan: “Onartezina da enpresak larunbatetan lan egin nahi izatea aldi baterako lan-erregulazioko aldian egonda”.

EH Bilduk salatu duenez, Urtaran kabinetearen “gelditasunak” alokairu sozialerako 63 etxebizitza ez eraikitzea ekarri du, eta 126 gehiago eraikitzea airean utzi du. Izan ere, Gasteizko Udalak lursaila Eusko Jaurlaritzari lagatu behar zion, 2009an adostu zuten bezala, baina gaur egun Udalak ez du horrelakorik egin eta, horrela, etxebizitza sozial horiek eraikitzea eragotzi du.

Manifestazioa deitu du Araba Bizirik plataformak maiatzaren 14rako “Lurra defendatuko dugu! Tapia Legeari ez!” lelopean. Giroa berotzeko, hainbat hitzaldi egingo dituzte datozen bi asteetan. Hilaren 7an, larunbata, bizikleta martxa ere egingo da Gasteizen.

Joan den urtarrilaren 4an aurkeztu zituzten Legebiltzarrean Oinarrizko Errenta Baldintzagabearen alde jasotako 22.075 sinadurak, lege-proposamen gisa izapidetu ahal izateko. Maiatzaren 5ean eztabaidatuko dute legebiltzarkideek: “beren esku dute pertsonen bizitza aldatzea, batez ere gure gizarteko ahulenena”.

2020ko irailean ere greba egin zuten Gasteizko kirol-jardueretako langileek. Enpresa esleipendunen eta langileen ordezkarien arteko akordiorik gabe, 11 egun igaro zituzten greban, bertan behera utzi zuten arte. Lanuzteak egin zituzten egunero horren ostean, eta baita mobilizazioak ere, baina ez dute orain arte akordiorik lortu.

Martxa bana egingo da Añanan, Agurainen eta Gasteizen; Izan Bidea dinamikaren eta 3.127.326km egitearen erronkaren baitan.

El Punto Fijo o Servicio de Información y Análisis de Drogas que lleva la asociación Ai Laket!! abre todos los viernes de 19:00 a 22:00 y ofrece asesoramiento y análisis de manera anónima y gratuita.