Artista lokal ezberdinek egin dute OkupaTUGasteiz abestia, Ekaitz Samaniegoren letrarekin
Abestiaren basea Dj Lorok egin du eta ahotsetan Arabako zenbait musikarik parte hartu dute, Ekaitz Samaniego gasteizko preso politikoaren letrekin. Bestalde, urriaren 6ko egun handirako beroketa-lanak egiteko, jaialdia egingo dute ekainaren 10ean Gaztetxean, DJ lokalekin lagunduta.
Urriaren 6an ospatuko den OkupaTuGasteiz egunak ere bere kantua izango du, elkarlanean egin dena. Abestiaren oinarria Ekaitz Samaniegoren hitzak izan dira, eta ondoren, kantuaren basea Dj Loro disko-jartzaile gasteiztarrak egin du. Ahotsetan, artista ugarik parte hartu du: Jaione Olabe, Paula Amilburu, Iñaki Viñaspre, Ixone Arrizabalaga, Haize Agirre, Libe Garcia de Cortazar eta Jon Basaguren. Ekoizpen artistikoaren ardura berriz, Koldo eta Jabolo Sagasound anaien esku egon da.
Ekainaren 10a, abiapuntuetako bat
Hurrengo igandean ospatuko den giza-katea aitzaki, OkupaTUGasteizek jaialdia egingo du eguerditik gauera arte Gasteizko Gaztetxean. Bertan, DJ jaia egingo dute, Mindre Folklore, Dorleta Rata Jones, Armando Almoroto eta Tarantistak djekin lagunduta.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
