ARGAZKIAK | Kalitatezko osasungintza sistema publikoaren alde mobilizatu dira
Deialdi herritar batek dozenaka lagun elkartu ditu Gasteizko osasun zentroen aurrean kalitatezko osasun sistema publiko bat aldarrikatzeko. Azaroaren 4ean eta 11an ere mobilizatzeko deia zabaldu dute.
Kalitatezko osasun sistema publiko bat aldarrikatu dute herritar ugarik Gasteizko Olagibel, Olarizu eta Lakua osasun zentroen aurrean. “Beste eredu bat beharrezkoa dela” aldarrikatu dute.
“Langileak nekatuta eta baliabiderik gabe eta herritarrak arreta duinik gabe” aurkitzen direla azaldu dute mobilizazioen deitzaileak. Horregatik baliabide eta inbertsio gehiago eskatu dizkiete instituzio publikoei. Murrizketak eta pribatizazioak etetea eskatu dute ere.
Azaroaren 4ean eta 11an mobilizatzeko deia luzatu dute ere, arratsaldeko 19:00etan Olagibel, Olarizu eta Lakua osasun zentroen aurrean. Bihar greba egingo dute Osakidetzako langileek.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
