Aitor Ugartek irabazi du 2017ko Bertxoko sariketa
Azaroan, Arabako 8 bertsolari gazteek, bikotea haiek aukeratutako beste bertsolari batekin jokatu zituzten 4 kanporaketak. Saio bakoitzetik bertsolari gazte bat sailkatu zen, eta horrela osatu zen finala: Xabier Antia, Aitor Ugarte, Asier Rubio eta Unai Anda.
Finala Gasteizko Hala Bedi tabernan jokatu zen. Kanpoko hotzari kontra eginez, giro goxoa sortu zen. Pikoteoren ostean, taberna entzulez betetako saioa, Peio Ormazabalek eta Maddi Sarasuak gai-emaileek gidatu zuten.
Kanta edo doinu ezagun batean agur bikainak kantatu zituzten bertsolariek, eta hasierako ariketa klasikoen ondoren ariketa berriagoetan aritu ziren 4 bertsolariak. Hauexek finaleko ariketak:
-Agur berezia eta puntuagarria
-3na bertso 8ko handian
-3na bertso 8ko txikian
-Rapa Serapioren erara
-Bakarka bertso bat abestu entzundako audio bati
-Puntu erantzunak elkarri jarri laurak elkarrekin librean. Lehenak bukatzen duen oinarekin hasi bigarrena. Bina bertso.
-Koplatan binaka
-Buruz burukoa: kontestualizatuta egoera batean, 3na bertso 8ko txikian
Epaileen erabakiaren ondorioz Aitor Ugarte eta Unai Anda pasatu ziren buruz burukora. Gurasoek tabernara berriro ekarritako bi umeen ahotsetik kantatu zuten bi bertsolariek.
Ariketa honen ostean Aitor Ugarte izan zen irabazlea.
Kamiseta, turuta eta ez-txapela bana oroigarri gisa soinean kantatu zituzten 2017ko Bertxoko Sariketaren bukaerako agurrak.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
