Gazte Koordinadora Sozialista aurkeztu dute Gasteizen
Klase batasuna eta independentzia politikoaren aldeko aldarrikapenarekin aurkeztu dute Gazte Koordinadora Sozialista Gasteizko Auzolana pilotalekuan.
Auzolana frontoiko aurkezpena | gedar.eus
Gasteizko Auzolana frontoian egin zuten aurkezpena aurreko igandean, Euskal Herriko txoko ezberdinetatik hurbildutako gazteak elkartuz eta Gazte Koordinadora Sozialista deritzona martxan jartzeko.
Ildo politiko baten aldarrikapena eta defentsa azpimarratu dituzte bertan: koordinadora osatzen duten gazteak batzen dituen hautua sozialismoaren defentsa da. “Helburua dominazio burgesa eta zapalkuntza forma ezberdinak gainditzea da”.
“Sistema kapitalistak zapaldutakoak” izan dituzte gogoan eta “zuzengabekeria horren aurrean altxatzen direnen” lana ere goraipatu nahi izan dute. Hala, Euskal Herrian zehar sortzen ari diren “adierazpen politiko sozialistekin” itxaropentsu agertu dira: “Gaztetxeen borroka esperientzia eredugarriak, ikasleen borrokak, klase feminismoaren gorakada eta teoria iraultzailearen lanketa eta hedapena”.
Gazte Koordinadora Sozialista esperientzia horietan guztietan hezitako eta hazitako militanteen emaitza dela azaldu dute, horiek denak indartzeko helburuarekin jaiotzen dena. Horretarako, “aipatutako gaitasun eta espresioek aurkitzen dituzten mugak gainditzeko” baldintzak jarri nahi dituzte.
Euren helburuak erdiesteko beharrezkoa ikusten dute klase batasunaren egikaritzea eta hori lortzeko “langile klasearen independentzia politikoa bermatuko duten antolakunde politiko propioak beharrezkoa dira”.
Gazte problematika, klase problematikaren barruan
Gazte problematika klase problematikari heldu gabe ebatzi ezin den auzia dela adierazi dute. Haren lanketa politikoa egitea eta kultura eta ildo sozialista garatzeko langile instituzioak sortzea jarri dituzte eginbehar nagusien artean.
“Beharrezkoa ikusten dugu harreman eredu komunisten garapena, borroka komunitatearen indartzea, izaera kritikoa eta sakontasuna lantzea, proletargoaren defentsa eta babesa egitea, kultura sozialista berpiztea, instituzio proletarioak hedatzea, teoria iraultzailea lantzea, intsumisioa gauzatzea edota ospakizun eredu politiko berria sortzea”, aipatu dute.
Bukatzeko, borrokarako deia egin eta “egungo miseria kapitalistaren aurrean botere sozialista eratzearen beharra berretsi dute”.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
