6 urte Errekaleor Auzo Askeari argia moztu ziotela
Ertzaintzak eta Iberdrolako langileek elkarlanean argirik gabe utzi zituzten gaurko egunez Errekaleorreko bizilagunak.
Errekaleorreko argi mozketaren aurkako defentsa. Argazkia: Argia
Sei urte bete dira Iberdrolak eta Eusko Jaurlaritzak Errekaleor Auzo Askeari argia moztu zionetik. Tentsioz betetako maiatzaren 18 hark ondorio ezberdinak utzi zituen: Gorka Urtaran Gasteizko alkateak auzoa bota nahi zuela esan zuen egun bat beranduago, Mikel Saenz de Buruaga Hala Bediko kazetariari mozal legea ezarri zion Ertzaintzak, auzoa argi gabe geratu zen, ekainaren 3ko mobilizazioa erantzun handia izan zen ‘Guk argi daukagu’ lemapean…
Instituzio ezberdinek ez zuten euren helburua lortu: herri-erantzuna handia izan zen eta Urtaranek haren “hitzak jan” zituen. Gainera, modu eraikitzailean egin zitzaion aurre argi-mozketari. Iberdrola eta Ertzaintza Errekaleorren agertu eta soilik bost hilabetera, eguzki plakak jartzen hasi ziren bertan. Hilabete batzuk lehenago, ordea, plaka horiek erosteko diru-bilketa kanpaina egin zuten eta ia 110.000 euro lortu.
Egun hartak utzitakoak ekarri ditugu berriz hona.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
