Uztailaren 5ean aurkeztuko dute Topagune Sozialista Gasteizen
Durangon egingo diren tailerrak, kontzertuak, kirol erakustaldiak, ikuskizunak, eta hitzaldiak azalduko dira aurkezpenean eta beharrezkoa den informazio guztia eskainiko. Topagunera joateko sarrerak ere eskuratu ahalko dira.
Mugimendu Sozialistak abenduan antolatutako pilota partidua, Auzolana Pilotalekuan.
Gazte Koordinadora Sozialistak eta Ikasle Abertzaleakek hirugarren Gazte Topagune Sozialista egingo dute uda honetan. Bost eguneko elkargunea izango da, uztailaren 20tik 24ra, Durangon.
Formakuntzara eta aisialdira bideraturiko ekimena da Gazte Topagune Sozialista. Aurreko edizioa, bigarrena, 2021eko urrian egin zen Altsasun. 1500 lagun baino gehiago batu ziren.
Aurkezpena Gasteizen
Gazte Topagune Sozialista herriz herri aurkezten ari dira Euskal Herri osoan, eta bada zita Gasteizen ere: uztailaren 5ean, asteartea, arratsalde osorako egitarau baten baitan izango da ekimena ezagutzeko aukera, Auzolana Pilotalekuan.
Arratsaldeko 18:00tan hasiko da egitaraua, pilota partidu batekin. Ondoren, Topagunearen inguruko azalpena emango da; eta azkenik, ikuskizun artistiko bat eskainiko dute.
Uztailaren 20tik 24ra Durangon egingo diren tailerrak, kontzertuak, kirol erakustaldiak, ikuskizunak, eta hitzaldiak azalduko dira aurkezpenean eta beharrezkoa den informazio guztia eskainiko. Topagunera joateko sarrerak ere eskuratu ahalko dira.
Aurkezpenera dei egin dute, beraz, GKS eta IAk, “Topagunearen berri izateko parada ezin-hobea” izango delakoan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
