Elikagai eta higiene produktu bilketa hasi dute Zapatisten etorrerarako
Gutxi barru izango da Zapatisten Bizi Bira Euskal Herrian eta hasi dira jada prestaketa lanak. Besteak beste, elikagai eta higiene produktu bilketa abiatu dute: Zapateneon jasoko dituzte produktuak urriaren 30erarte.
Zapatisten Bizi Bira Euskal Herrian izango da gutxi barru eta prestaketa lanak abian dira jada etorrera antolatzeko. Besteak beste, elikagai eta higiene produktuen biltegia jarri dute martxan. ZAPateneon jasoko dituzte produktuak (Zapateria 93), astelehenetik ostiralera 18:30etatik 21:00etara, eta larunbat goizetan 11:30etatik 13:30ak arte. Atzo, urriak 14, hasi ziren bilketarekin eta urriaren 30ean itxiko dute.
Hauek dira jasoko dituzten produktuak:
Elikagaiak
- arroza
- pasta
- arto-irina (aurrez egosita)
- gari-irina
- esnea
- gailetak
- olioa
- azukrea
- gatza
- frijolak
- dilistak
- kontserbak (tomatea, bestelako barazkiak)
Higienerako produktuak
- hortzetarako pasta
- xanpua
- xaboia (gela edo pastilla)
- komuneko papera
- lixiba
- garbigarria (garbigailu edo plateretarako)
- mantak, lo zakuak, kanpin dendak
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
