Marikruz Elkoro (ELA): “Glovoko lanak esklabutza hutsa dira, pertsona bulnerableak erabiltzen dituzte etekinak ateratzeko”
Gizarte Segurantzak Glovoren aurka jarritako salaketara batu da ELA sindikatua.
Auzitegi Gorenak irailean ebatzi zuen Glovoko langileak autonomo faltsuak direla, eta Glovoren soldatapeko langile bezala erregulatuak egon behar luketela. Baina borroka ez da hor amaitu, Glovo eta enparauek praktika berdinak aurrera eramaten jarraitu dutelako.
Orain ELA sindikatua Gizarte Segurantzak abiatutako epaiketara batu da, Glovoko 280 langile Gizarte Segurantzako erregimen orokorrean sartu eta ordaindutako autonomo kotizazioak itzuli diezazkietela eskatzeko. ELA sindikatuko Marikruz Elkoro izan dugu Hizpidean, eta sakonago azaldu dizkigu negozio eredu hauek dauzkaten arriskuak eta epaiketa honetatik atera daitekeena, beste gauza askoren artean.
Elkarrizketa osoa hemen entzungai.
-
Hizpidea: Marikruz Elkoro (ELA): "Glovoko lanak esklabutza hutsa dira, pertsona bulnerableak erabiltzen dituzte etekinak ateratzeko"00:26:38
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
