Venezuela | Hauteskundeak. Chavismoaren garaipen gazi-gozoa, oposizioaren porrota
Mikel Morenoren kolaborazioa, Caracastik.
Azaroaren 21ean eskualde eta udaletako hauteskundeak izan ziren Venezuelan. 23 estatuetako gobernazioak zeuden jokoan, eta horietatik 20 lortu ditu Chavismoak. Gainera, gobernaziorik ez daukan Caracas hiriburuko alkatetza ere PSUV alderdiak eraman du. Hala ere, abstentzioa izan da protagonistetako bat, % 58tik gorakoa izan baita.
Oposizioaren gehiengoa aurkeztu da hauteskunde hauetan, azken urteetan lehen aldiz, eta emaitza oso kaxkarrak lortu ditu hauteskundeetara itzuleran.
Mikel Moreno Caracasen dago, eta berarekin hitz egin dugu Hizpidean. Hauteskundeen emaitzak ekarri dizkigu, eta balorazioa egin du, PSUVen egoeraren inguruan eta Venezuelako instituzioekiko konfiantzari buruz.
Hemen entzungai.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
