Murgiako egoitza bateko langile bat hil da, lan istripu ez traumatiko batean
Ostiralean, bere lehen lan egunean, ondoezik sentitu eta aldageletan hil zen 59 urteko emakume gasteiztar bat, Murgiako Gorbea egoitzan. Gutxienez 40 laneko heriotza gertatu dira Euskal Herrian 2021ean; horietako bost Araban izan dira. through Alea.eus
Gorbea egoitza, Murgian. / Argazkia: GOOGLE MAPS
LAB sindikatuak jakitera eman duenez, joan den ostiralean, 56 urteko emakume langile gasteiztar bat hil egin zen Murgiako Gorbea egoitzan, lan istripu ez traumatiko batean. M.A.G.O-ren lehen lan eguna zen lanpostu horretan, ondoezik sentitu zuen, eta aldageletan zendu zen.
“Azken urteetan ikusten ari gara badagoela hazkunde bat arazo kardiobaskularrek eragindako heriotzetan, laneko arrisku faktoreek eraginda edo areagotuta. Ez da kasualitatea erritmo altuek, lanaldi luzeek eta produktibitate exijentziak eragindako albo-kalteek arrisku faktore hau areagotu dutela, kapitalismoaren logika zitalaren barruan”, ohartarazi du LABek. Gainera, azken egunetako muturreko eguraldi beroak arriskuak areagotu dituela deritzo sindikatuak; izan ere, Murgiako heriotzaz gain, 56 urteko eraikuntzako langile bat hil zen ostegunean Lezaman, bihotzekoak jota.
Sindikatu abertzaleak bere “samina eta elkartasuna” adierazi die lankide, senide eta gertukoei, eta salatu du gutxienez 40 laneko heriotza gertatu direla 2021ean Euskal Herrian; LABen datuen arabera, horietako bost Araban gertatu dira.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
