Latinoamerika | Kolonbiako hauteskundeak, Ameriketako gailurra eta Venezuelako iraultza bolivartarraren egoera gaur egun
Mikel Morenoren kolaborazioa, Caracastik.
Ikasturteko azken kolaborazioa izan dugu gaur Mikel Morenorekin, gure Venezuelako berriemailearekin. Kolonbiako hauteskundeez aritu gara, Gustavo Petro eta Francia Marquezen alderdiak irabazi baititu hauteskundeak bigarren itzulian, eta 200 urtean lehen aldiz ezkerreko presidente bat izango du Kolonbiak. Petroren proposamenaren inguruan aritu zaigu, bere hitzaldian botatako hainbat elementu nabarmenduz. Venezuelarekiko harremanetan nola eragin dezakeen ere aztertu du Morenok.
Ondoren, Ameriketako gailurraz aritu gara. Aurreko kolaborazioan azaldu bezala, Nicaragua, Kuba eta Venezuelako gobernuek betoa jaso zuten AEBetan ospatu den gailurrera joateko. Horrek ekarritako erreakzioak aipatu dizkigu Mikelek, eta gailurraren balorazioan Estatu Batuen porrota aipatu digu.
Azken kolaborazioa izanda, Venezuelako iraultza bolivartarraren egoeraz ere aritu zaigu Moreno. Azken urteetako eta gaur egungo zailtasunak eta erronka berriak azaldu dizkigu.
Hemen entzungai.
-
Hizpidea: Latinoamerika | Kolonbiako hauteskundeak, Ameriketako gailurra eta Venezuelako iraultza bolivartarraren egoera gaur egun00:32:43
Azkenik, uda aurretika azken kolaborazioa izanda, liburu gomendio batzuk ekarri dizkigu Mikelek, Venezuelako egoera hobeto ulertzen lagunduko digutenak.
Reinaldo Iturriza Lopezen “Con gente como esta es posible comenzar de nuevo”, hemen eskuragai.
Chris Gilbert eta Cira Pascual Marquina, Escuela de Cuadros saioko kideek Venezuelako komuna ezberdinen inguruan egindako lanak, “Resistencia comunal frente al bloqueo imperialista”. Atal ezberdinak ditu, komuna ezberdinei buruzkoak.
Hemen deskargatzeko linkak: 1, 2, 3 eta 4
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
