Latinoamerika | Hauteskundeak Argentinan eta Nikaraguan, eta Txilekoak igande honetan. Aktualitatearen analisia
Fakun Aznarezen eskutik kolaborazioa.
Gaurkoan Latinoamerikako gaurkotasuna ekarri digu Fakun Aznarezek, eta Argentina, Txile eta Nikaraguako hauteskundeez aritu gara. Argentinan peronismoak jaitsiera handia jasan zuen azken hauteskundeetan, eta horrek ekarriko duen eszenatokia aztertu du Fakunek, beste gauza askoren artean. Nikaraguan ere hauteskundeak izan dira, eta % 75eko babesarekin irabazi ditu gobernuak, mendebaldetik etorritako iruzur salaketa artean.
Eta Txilez ere hitz egin dugu, igande honetan izango direlako bertan hauteskundeak, eta bertan lehiatuko diren bi hautagaiak aurkeztu dizkigu Fakunek, egungo presidente Sebastian Piñerari buruz hitz egiteaz gain, azken egunetan iruzurra egitea egotzita kargua galtzeko arriskuan egon baita Piñera.
Kolaborazio osoa hemen entzungai.
-
Hizpidea: Latinoamerika | Hauteskundeak Argentinan eta Nikaraguan, eta Txilekoak igande honetan. Aktualitatearen analisia00:26:11
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
