Glovok %60 jaitsi du Gasteizko riderren tarifa
Free Riders sindikatuak salatu du Glovok eskaera bakoitzeko oinarrizko tarifa erdira murriztu duela hainbat hiritan. Gasteizko kasuan, irteera bakoitzeko 2,50 eurotik euro batera jaitsi da (%60). Greba deialdia egin dute astebururako. through Alea.eus
Glovoko riderrak Gasteizko kale batean, konfinamendu egunetan. / ERLANTZ ANDA
Tarifen murrizketaren aurrean, bi eguneko greba deialdia zabaltzen ari da rider taldeen artean, asteburu honetarako: “Jaitsiera momentu zehatz honetan egin da, modu miserablean”, salatu du Free Riders sindikatuak; konfinamenduak eragindako egoera baliatu izana leporatu dio enpresari.
Robert Castro kolektiboaren abokatuak El Salto hedabidean azaldu duenez, tarifaren murrizketa “modu mailakatuan” egiten ari da Glovo.
Rider taldeen artean zabaltzen ari den mezuak argi eta garbi azaltzen du langile hauen haserrea: “Gure denbora eta esfortzua ez dugu horrela oparituko. Nahikoa dugu kalean egotearen arriskuarekin. Apirilaren 18an eta 19an lanik ez egitea izango da gure protesta. Glovok gure poltsikoekin jolastu nahi du? Ekimen hau babesten duten rider guztiek biderkatutako kolpea itzuliko diogu”.
Tarifen jaitsierarekin batera, soldata igoera bat ere iragarri du Glovok, “sustapen ekonomikoak” eta “Covid-19ren aldi baterako promozioa” bezalako kontzeptuetan. Hala ere, sindikatuaren arabera, promozio hauek ez dute eragin errealik izango riderren soldatetan.
Albiste hau Alea.eus atarian argitaratu da eta Creative Commons lizentzia erabilita ekarri dugu gurera.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
