Archived: zaharrak berri
ZAHARRAK BERRI
Historiaz hitz egiten dugu gure irratsaioan, eta asmoa era atseginean egitea da. Entzuleak historian murgildu nahi ditugu, hitz potoloegirik erabili gabe, ahal denean umore puntua ere sartuz. Gure helburua entzuleei historia modu dibulgatiboan gerturatzea da.
Irratsaio bakoitzean elkarrizketa luzetxo bat eta bi kolaborazio labur izaten ditugu 90 minututan sarturik. Hala ere, irratsaioaren egitura gai edo gonbidatuaren arabera moldatu izan dugu ere.
Historia dugu ardatz nagusi baina kolaborazio ezberdinei esker kultur arlo zabala hartzen dugu ere. Besteak beste zinea, liburu nobedadeak, mitologia, literatura, geografia, historiako ekonomia sistemak eta artea ezagutzeko aukera izaten dugu gure kolaborazioei esker. Gure kolaboratzaileei gure eskerrik beroena ematen diegu, beraiek gabe irratsaioa ezingo baitzen egin.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
