Maialen (G. Eskalatzaileak Sutan): “Externalizazioa ohitura bilakatzen ari da Udalarentzat”
Gasteizko hiru rokodromo publikoek itxita jarraituko dute urtarrilean ere, Gasteizko Udalak hitz emandakoaren aurka. Hirugarrenez hutsik gelditu da Udalak rokodromoak kudeatzeko egindako lehiaketa publikoa. Langileen iritziz, Udalak eskainitako lan baldintza txarren ondorioz gertatu da hori.
Gasteizko Eskalatzaileak Sutan plataformako Maialen izan dugu Hizpidean, rokodromoen auziaz sakonago hitz egiteko. Lehenik eta behin, Gasteizko Udalak zerbitzu publikoekin daukan tratamendua salatu du. Orokorrean, rokodromoez harago Udalak externalizatzera eta pribatizatzera jotzen duela adierazi du Maialenek. Bestalde, rokodromoen auzia ulertzeko gako batzuk eman dizkigu, eta datozen egunetarako antolatu diren deialdi batzuen berri eman digu.
Bihar, urtarrilaren 8an, eguerdiko 12etan Plaza Berrian elkarretaratzera deitu dute. Udalaren Kirol Komisioa batuta egongo da ordu horretan, eta ART Arabako Rokodromoen Teknikariek hitz egingo dute ESK sindikatuak eskatuta. Langileei babesa adierazteko elkarretaratzea egingo dute kanpoan.
Bestalde, datorren asteazkenean, hilaren 16, arratsaldeko 7etan, asanblada bat deitu dute Hegoaldeko Rokodromoan, auziaren inguruan eman beharreko hurrengo pausoak definitzeko asmoz.
Elkarrizketa osoa hemen dago entzungai.
-
Hizpidea: Maialen (G. Eskalatzaileak Sutan): "Externalizazioa ohitura bilakatzen ari da Udalarentzat"??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
