Herri Mugimenduarentzako Izan Media tailerrak, urtarrilaren 19an
Datorren larunbatean, urtarrilaren 19an, antolatu ditugu Hala Beditik Izan Media tailerrak, kolektibo zein norbanakoei komunikaziorako tresnak eskaintzeko proposamena. Lau tailer izango dira aurtengo edizioan, irratigintza, bideogintza, kartelgintza eta prentsa eta sare sozialei buruzkoak.
Unai Gartzia Hala Bediko kidea izan dugu gaur Hizpidean, tailerren nondik norakoak hobeto ezagutzeko, eta interesa daukaten guztiak bertara gonbidatzeko. Oihaneder Euskararen Etxean izango dira nagusiki tailerrak, eta ostiral hau, urtarrilaren 11, izango da izena emateko azken eguna. halabedi.eus/izanmedia helbidean sartuta eman daiteke izena.
Ahozkotasuna, irrati teknika, bideo edizioa, prentsa eta sare sozialak modu eraginkorrean erabiltzeko teknikak eta beste hainbat gauza ikasteko aukera izango da tailer hauetan. Aurreko urteetako arrakastaren ondoren, edizio berri honekin egin nahi dio ekarpena Hala Bedik herri mugimenduari.
Elkarrizketa osoa hemen entzungai.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
