Harrera beroa jaso du Aitor Zelaiak Gasteizen
Gasteizera iritsi berritan, Aitor Zelaiak lagun eta senideen lehen besarkadak jaso zituen. Epaiketaren zain geratu da Judimendiko gaztea. Galder Barbado datozen orduetan aske gertauko da.
Gasteizko Alde Zaharreko Kutxi kalean harrera beroa egin zioten astearte gauean Aitor Zelaia gazteari, espetxetik irten eta gutxira. Bertsoak, ikurrinak eta bestelakoak lagun, gazte gasteiztarrak lagun eta senideen lehen besarkadak jaso ditu.
Otsaila hasieratik zegoen espetxean Zelaia Galder Barbado amurrioarrarekin batera.
Aitor Zelaia gasteiztarra baldintzapean aske geratu da asteartea arratsaldean, epaiketaren zain.
Hala ere, 6.000 euroko fiantza ordaindu behar izan dute gertukoek eta hau behin ordainduta, espetxea atzean utzi du gasteiztarrak. Kartzela kanpoan lagunak eta senideak zain zituen Zelaiak eta Erriberan ere, behin Nafarroan sartuta, elkartasun mezuak izan ditu.
Ertzaintzaren polizia-operazioa
Otsailean, Delikan eta Gasteizen Ertzaintzak atxilotu zituen bi gazteak, bien etxeak goitik behera miatzearekin batera.
Atxiloketen ostean, espetxeratzeko agindua eman zuen Espainiako Auzitegi Nazionaleko epaile Maria Tardonek: espetxeratze horien abiapuntuan, 2014. eta 2015. urteetan gertatutako zenbait eraso daudela jakinarazi zuten.
Soto del Realeko (Madril) kartzelan egon ziren hasiera batean, isolamenduan, eta martxoan, biak ala biak Darokako espetxera, Zaragozara, mugitu zituzten.
Galder Barbadori dagokionez, datozen orduetan ere baldintzapean aske geratuko da.
- Aitor Zelaia, lagun eta senideekin espetxetik atera berritan
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!