Gasteizko Gazte Koordinadora Sozialistak aurkezpena egingo du ostiralean Gaztetxean
GKSko Iñakirekin hitz egin dugu Gazte Topagune Sozialistaz, jasotako kriminalizazioaz eta antolakundearen funtzioez.
Ostiral honetan, urriaren 29an, arratsaldeko 6etan aurkezpena egingo du Gasteizko Gaztetxean Gazte Koordinadora Sozialistak. Kultur emanaldiak ere antolatu dituzte ondorenerako.
GKSko Iñakirekin hitz egin dugu Hizpidean. Altsasun egindako Gazte Topagune Sozialistaren inguruan hitz egin digu, izandako arrakastaren balorazioa egin du mugimendu sozialistaren bilakaeraz hitz eginda. El Mundo bezalako komunikabideen eskutik jasandako kriminalizazioaz ere aritu da eta, azkenik, ostiralean Gaztetxean aurkitu ahal izango dena azaldu digu.
Elkarrizketa osoa hemen entzungai.
-
Hizpidea: Gasteizko Gazte Koordinadora Sozialistak aurkezpena egingo du ostiralean Gaztetxean00:12:04
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
