Euskal Kantak| “Lili bat ikusi dut” eta “Beti penetan”, amodio kontu gaurkoan
Gaurkoan, euskal kanten inguruko kolaborazioa izan dugu Hizpidean.
Lau astetik behin egiten dugun gisara, gaurkoan Hizpidean euskal kanten inguruko kolaborazioa izan dugu.
Lehen atalean, euskal kanta zaharren ingurukoan, Jaione “Lili bat ikusi dut” kantaren inguruan aritu da. Hasteko, Altzurukutarrak taldearen kanta entzun dugu. Segidan, García Matos folklorista madrildarrak 1957an Nafarroan bildutako grabazioa entzun dugu. Jarraian, Estitxuren, euskal kantari garrantzitsuenetariko baten, ahotik entzun dugu eta akitzeko, Donibane Loizuneko Gogotik taldearen kanta aditu dugu.
Bertzalde, kolaborazioaren bigarren atalean, Sarak “Beti penetan” kanta aurkeztu digu. Lehenik Benito Lertxundiren kanta entzun dugu, ondotik, Zarama taldearen bertsioa eta akitzeko, Paco Ibáñezek eta Imanolek “Oroitzen” diskan argitaratutako bertsioa aditu dugu.
Kolaborazio guztia hemen entzungai:
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
