Errekaleorren egingo dute Hackmeeting 2019 bilkura irailaren 20tik 22ra
Irailaren 20 eta 22 artean izango da bilkura Gasteizko Errekaleor auzoan, espazio askeak “teknologia subertsiboz” betetzeko. through Argia.eus
“Orainaren amaiera geroz eta gertuago dago. Teknologiak era ezberdinetako munduak sortzea ahalbidetzen du, baina enpresa handiek mundu berria eraikitzeko aukerak berehala zapuzten dituzte”, dio jendea bilkurara deitzen duen manifestuak.
Teknologiaren eliteek haien algoritmoek gobernatutako mundua nahi dutela diote, “harreman sozialak zapuzteko” eta langileok banatzeko diseinatuta. Inposizio honen aurrean “hacktibismoa” aldarrikatzen dute Hackmeeting 2019ko antolatzaileek.
“Aurten Errekaleor Bizirik!-ek jasoko gaitu, finantza-espekulazioari aurre egiteko gaitasuna adierazten duen auzoak. Hau beste komunitate lokal bat da, eta beren aurretiazko lanak teknokapitalismoaren aurkako erresistentzian lagundu egiten digu”, diote antolatzaileek.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
