Elena Cercadillo (Sorginenea): “Dena esanda dago. Orain hitzetatik ekintzetara pasa behar dira”
Prentsaurrekoa egin zuten atzo Sorgineneak eta Lumagorrik Gasteizko Udalak 2020. urterako aurrekontuetarako aurkeztu dituen murrizketak salatzeko.
Gasteizko Udalak Sorgineena Etxe Feministan eta LGTBI+ fobiaren aurkako Behatokian murrizketak burutuko dituela argitaratu zuen aurreko astean. Lehenengoak %30eko murrizketa jasoko luke eta Behatokiak %60koa.
Udal aurrekontuen elaborazio fasean 2020. urterako, Sorgineneak 130.000 euro jaso beharko zituela aurreikusten zen eta Behatokiak 70.000 euro, baina aurrekontu-proiektuak, ordea, 90.000 eurotan eta 30.000 eurotan utzi ditu proiektuen diru-partidak.
Bi proiektuak berdintasun sailaren baitan daude, prozesu luzeen ondorioz sortuak dira eta mugimendu feminista zein LGTBI+ mugimenduaren aldarrien emaitza direla azpimarratu dute. Honen inguruan hitz egiteko, Sorgineneako kidea den Elena Cercadillo izan dugu Hizpidean.
-
Hizpidea: Elena Cercadillo (Sorginenea): "Dena esanda dago. Orain hitzetatik ekintzetara pasa behar dira"00:11:27
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
