Errekaleorreko Herri Gimnasioan jaialdia egingo dute larunbatean
Kirol topaketa eta erakusketa ezberdinak egingo dituzte, eta kirol materialen zozketa.
Urtarrilaren 15ean, larunbat honetan, jaialdia izango dute Errekaleor Auzo Askeko Herri Gimnasioan, frontoian. Hainbat kirol eta ekimen ezberdin antolatzen dituzte bertan: pala, BMX, boxeoa, eskalada, roller derby…
Horietako askotan parte hartzeko aukera izango da larunbatean, eta BMX eta Roller Derby erakustaldiak ere izango dira. Jaio Aspiazu Errekaleorreko Herri Gimnasioko kidearekin hitz egin dugu Hizpidean, eta berak hitz egin digu orain arte egindako lanaz, egun egiten duten eskaintzaz eta larunbateko planera gonbidatu gaitu.
Elkarrizketa osoa hemen entzungai.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
