Bihar, zuzeneko emisioa foru enparantzatik. Euskaraz bizitzera goaz!
Egun ederra daukagu bihar Gasteizen: Gasteizko euskalgintzako hainbat eragilek antolatuta, EUSKARAZ BIZITZERA GOAZ! eguna ospatuko dugu. Euskaltzale guztiak gonbidatuta gaude!
Irudian klik eginda izango duzue egitaraua osorik ikusteko aukera, Gasteizko euskararen agendan, GEAn.
Hala Bediko kideok ere ezin dugu zita horretan hutsik egin… Bertan izango gaituzue, zuzeneko emisioa egiten, 12:00etatik 14:00etara. Bertara joan ezin duenarentzat, gertatzen den guztiaren berri izateko aukera paregabea!
Euskaraz bizitzera goaz!
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
