Igor (Borja Lazaro argazkilariaren laguna): “Erakundeei eskatzen diegu Borjaren kasuaren gainean egotea”

Igor (Borja Lazaro argazkilariaren laguna): “Erakundeei eskatzen diegu Borjaren kasuaren gainean egotea”

borja-lazaroBorja Lazaro argazkilari gasteiztarra Kolonbian desagertu zen orain bi urte. Urtarrilaren 7an, Gasteizko Udalaren babesa jaso zuen familiak, baina maila altuagoko erakundeen babesa behar dute: Espainiako Kanpo Gaietarako Ministerioarena, hain zuzen. Igor Borja Lazaro argazkilariaren laguna da eta familiaren izenean esan du Espainiako gobernuak ikerketa gainbegiratzen egon beharko lukeela, Kolonbian eta Venezuelan benetako ikerketa egiten ari direla egiaztatzeko. Familiak esan bezala, ezinbestekoa da kasua behin eta berriz gogora ekartzea, Borja Lazaro azaltzeko itxaropenari eusteko modu gisa. Daturik txikiena ere lagungarri gerta daiteke ikerketarako eta, horretarako, familiak irekitako webgune baten helbidea eman digu, ahal duenak lagun dezan.

Hasier Arraiz (EH Bildu): “Eskaintza politikoa berritu eta Euskal Bidea zehaztu egin behar dugu”

Hasier Arraiz (EH Bildu): “Eskaintza politikoa berritu eta Euskal Bidea zehaztu egin behar dugu”

hasier arraiz EH Bilduren Donostiako egoitzan

Hasier Arraiz

Hasier Arraiz EH Bilduko bozeramailea izan da gaur Hizpidea magazinean. EAEko Legebiltzarreko autogobernu ponentzian EAJk eta EH Bilduk dituzten ikuspegi ezberdinez gain, hauteskunde emaitzen ondoren egin beharreko hobekuntzez mintzatu da Arraiz: “Eskaintza politikoa berritu eta Euskal Bidearen zehaztapenetan jarriko dugu indarra”. Datorren urrian egitekoak diren EAEko hauteskundeetan Arnaldo Otegi EH Bilduko hautagaia izango den galdetuta, hori EH Bilduko jendeak erabaki beharreko kontua dela esan du, nahiz eta bera horren aldekoa izan. Rufi Etxeberriak joan den astelehenean emandako hitzaldiaren xehetasunak ere eman dizkigu Arraizek, EPPKri eginiko eskaeraz eta Aieteko Konferentzia baino lehen nazioarteko fazilitadoreek adostutako neurriez, besteak beste.

Gasteizko gotzain berria izan du hizpide Felix Placerrek

Gasteizko gotzain berria izan du hizpide Felix Placerrek

felix-placerHerria 2000 Elizako kidea da Felix Placer. Berarekin hitz egin dugu, Batikanok Gasteizko gotzain berria izendatu duela-eta. Placerrek itxaropena adierazi du, baina Juan Karlos Elizalde gotzain berriaren lagunak ezagutzen dituela dio: Rouco Varela eta Espainiako Gotzainen Konferentziako bestelako kideak, alegia. Ideologikoki halakoa izanik ere, gotzain berria hurbila dela dio eta, beraz, ikusteko dagoela gotzainak gai sozialekiko hartuko duen jarrera.

Teresa Toda (Sare): “Benetako konponbidearen bidean, gobernuen jarrera da harririk handiena”

Teresa Toda (Sare): “Benetako konponbidearen bidean, gobernuen jarrera da harririk handiena”

teresatodaTeresa Toda Sareko bozeramailearekin hitz egin dugu gaur HIZPIDEAn. Datorren urtarrilaren 9rako Sarek eta Bagoazek Bilbon eta Baionan deitutako mobilizazioak izan dira hizpide nagusia, baita Lorentxa Gimon presoaren egoera larria ere. Gimonen adibidea da preso gaixoen egoeraren adierazlea, joan den abenduaren 14tik baitago ospitaleratuta, irteera datarik gabe. Euskal presoen eskubideen alde, konpromisoak hartzeko deialdia egin du Sareko bozeramaileak, datorren urtarrilaren 9an Bilbon eta Baionan izango diren manifestaziora joateko konpromisotik hasita.

Maider Aramendi (Emakume Baserritarren Elkartea): “Emakume Baserritarraren Estatutua ez doa panfleto huts batetik harago”

Maider Aramendi (Emakume Baserritarren Elkartea): “Emakume Baserritarraren Estatutua ez doa panfleto huts batetik harago”

EBELEmakume Baserritarren Elkarteko kidea da Maider Aramendi. Berak eman digu emakume baseritarrek bizi duten errealitatearen berri, sarritan izaten dugun ikuspegi mitifikatutik ihesi. Orain gutxi onartu den Emakume Baserritarraren Estatutua hartu du hizpide Aramendik, eta bere ezadostasuna adierazi du: landa eremuko emakumeak hartzen omen ditu kontuan, eta eremu horretan baserritarrak direnak eta ez direnak ere badaude. Langile gisa dituzten eskubideak ere ez omen ditu jasotzen Lege estatusa ere ez duen testu horrek. Euren egoera duintzeko borrokaren nondik norakoak azaldu dizkigu EBELeko kideak.

Paul Bilbao (Kontseilua): “Dezepzio handia izango litzateke Nafarroan Vascuenceren Legea ezin botatzea”

Paul Bilbao (Kontseilua): “Dezepzio handia izango litzateke Nafarroan Vascuenceren Legea ezin botatzea”

paul_bilbaoPaul Bilbao Kontseiluko Idazkari Nagusiari elkarrizketa egin diote gaur Hizpidea magazinean. Azken hilabeteotan euskararen normalizazioaren alorrean sortutako berriak izan dituzte hizpide: Osakidetzako II. Euskara Planaren erritmoa, Nafarroako Gobernu berriaren apustuak, Europako Hizkuntza Aniztasunaren Goi Bilera eta Hizkuntza Eskubideak Bermatzeko Protokoloaren diseinua… Aurrerantzean, euskararen normalizazioaren mugarriak izango direnei buruz hitz egin du Kontseiluko Idazkari Nagusiak.

HAUTESKUNDEEN ANALISIA: Edurne Begiristain kazetaria eta Asier Etxenike soziologoa

HAUTESKUNDEEN ANALISIA: Edurne Begiristain kazetaria eta Asier Etxenike soziologoa

DSC00130Asier etxenike soziologoa eta Edurne Begiristain Berriako kazetariarekin hitz egin dugu gaur, Espainiako hauteskundeen emaitzen analisia egiteko. Etxenikek emaitzen azterketa orokorra egin digu eta Begiristainek, aldiz, Arabako emaitzetan ipini du arreta. Biek ala biek nabarmendu dute Podemosen igoera nabarmena eta EH Bilduren eserlekuen galera handia, eta bat datoz botoen trasbasean EH Bildu izan dela galtzaile, nahiz eta inkestek beste emaitza bat aurreikusten zuten.

Sergio Labaien (Ahotsa.info): “Mozal Legeak domino efektua bilatzen du: hedabideetatik herritarrenganaino, autozentsura aplikatzea”

Sergio Labaien (Ahotsa.info): “Mozal Legeak domino efektua bilatzen du: hedabideetatik herritarrenganaino, autozentsura aplikatzea”

mozallegeaEspainiako Mozal Legearen aurkako salaketa aurkeztu du ahotsa.info webguneak Giza Eskubideen Estrasburgoko Auzitegian, Madrileko Diagonal eta Kataluniako La Directa hedabideekin batera. Mozal Legeak autozentsura sustatzen duela esan digu Sergio Labaien ahotsa.info-ko kazetariak, baita domino efektua bilatzen duela ere: hedabideekin hasi dira dagoeneko, baina herritarrenganaino ere helduko da, sare sozialen erabileraren bidez. Informazio-eskubidea, informazioa jasotzeko eskubidea izateaz gain, informazioa ematea ere badela adierazi du ahotsa.info-ko kazetariak. Salaketaren eragin politikoa zabaltzeko deia egin du Labaienek, sare sozialetako erabiltzaileek #DemandaMordaza hashtag-a erabilita. Defender a quien defiende estatu mailako legelari eta kazetarien plataformaren bitartez aurkeztu dute salaketa Estrasburgon.

Ainhoa Etxaide (LAB): “Confebask da patronalik beligeranteena, lan-erreformari dagokionez”

Ainhoa Etxaide (LAB): “Confebask da patronalik beligeranteena, lan-erreformari dagokionez”

ainhoaetxaideAinhoa Etxaide LAB sindikatuko idazkari nagusia izan da gaur Araba hizpide magazinean, Gasteizko Ernaik bihar arratsaldeko 18:00etan gaztetxean antolatu duen hitzaldia aitzakia hartuta. Hainbat gai hartu ditu hizpide Etxaidek: lan-erreforma, patronalaren jokabidea, prekaritatea… Guztiak ere biharko hitzaldian jorratuko dituenak.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies