Iritzia: Blanca Urgell

Iritzia: Blanca Urgell

urgellIritzi tarterako gonbidatu berria izan du gaur ARABA HIZPIDEn: Blanca Urgell. Irakaslea eta filologoa izateaz gain, 2009tik 2012ra Eusko Jaurlaritzako Kultura Sailburua izan zen Urgell. Gaurkoan, askotan isiltzen eta komentatu nahi ez ditugun gaietaz aritu zaigu Hala Bedi Bi-n (88.8).

Miren Larrion (EHBildu): “Lan handia egin behar dugu hiri integratzailea izateko bidean”

Miren Larrion (EHBildu): “Lan handia egin behar dugu hiri integratzailea izateko bidean”

Miren Larrion Hala Bedi irratiko estudioetan

Miren Larrion Hala Bedi irratiko estudioetan

Gasteizko Udal taldeekin egiten ari garen balorazio errondaren hirugarren gonbidatua izan da EH Bilduko Miren Larrion. Politika fiskalaz, Errekaleorrez, kirolaz eta diru-laguntzez, herri galdeketez edota indarkeria matxistaz mintzatu da Larrion, luze joan den elkarrizketan.

Datozen egunetan ere errondarekin jarraituko dugu: bihar, ekainak 16 PSEko Estibaliz Canto elkarrizketatuko dugu; ekainaren 22an, aldiz, Gorka Urtaran Gasteizko alkatea.

Oihana Ameskua: “Mundua beste era batera irudikatuko duten ikasleak behar ditugu”

Oihana Ameskua: “Mundua beste era batera irudikatuko duten ikasleak behar ditugu”

filosofiaFilosofia ikasgaian murrizketa egin dutela salatu zuten joan den astean batxilergoko irakasleek, Gasteizen egindako prentsa-agerraldian. Oihana Ameskua filosofia-irakaslearekin hitz egin dugu gai horri buruz HIZPIDEAn. Filosofia desagertzeaz harago, abian den hezkuntza-erreformaren testuinguruan egin zuten kritika irakasleek, Espainiako LOMCEk zein Eusko Jaurlaritzaren Heziberrik ondorio berberak izango baitituzte, praktikan: filosofia ikasgeletatik desagertzen joatea, erlijio kaltolikoaren mesedetan, nagusiki. Filosofiak hezkuntzan duen garrantziaz mintzatu da Oihana Ameskua, ikasleen kritikotasuna eta hausnartzeko gaitasuna garatzeko tresna gisa.

Gasteiz Irekiak ekainaren 20ko Errefuxiatuen Nazioarteko Egunaren harira egingo diren ekimenak aurkeztu ditu

Gasteiz Irekiak ekainaren 20ko Errefuxiatuen Nazioarteko Egunaren harira egingo diren ekimenak aurkeztu ditu

Ck5lJ9bWYAA4S3bAgerraldia egin du Gasteiz Irekiak Errefuxiatuen Nazioarteko Egunaren atarian. “Krisi humanitario honi zenbakiak jartzeko eguna izatea” nahi dutela adierazi dute. Horretarako, antolatutako ekimenetan parte hartzeko deia egin dute plataformatik.

-Ekainak 18, larunbata (12:00) : kalejira Otxanda Dorretik abiatuta.

-Ekainak20, astelehena (19:00):mahaingurua alderdi politikoetako ordezkariekin, VillaSusoJauregian. Hiritarrek galderak egin ahalko dituzte, kezkak eta salaketak aukera izanez.

Ck5lJ9TWgAAsr52-Ekainak 24, ostirala (18:00 – 20:00): Judimendiko jaietan kanpaldia, errefuxiatuen kanpalekuak gogoratuz.

-Uztailaren 15ean Greziara Karabana bat abiatuko da. Interesaturikoak, ekainaren 16an 19:00etab Steilasen egingo duten bilerara joan daitezke.

Bukatzeko, Gasteizko kaleetan errefuxiatuei ongi etorria adierazteko banderolak jartzeko deia egin dute. Eremu ezberdinetan egongo dira salgai; besteak beste, taberna eta euskaltegietan egongo dira salgai.

 

Unai Fernandez de Betoño: Euskal Herriko hiriburuen antolaketa urbanistikoa

Unai Fernandez de Betoño: Euskal Herriko hiriburuen antolaketa urbanistikoa

Unai Fernandez de Betoño

Unai Fernandez de Betoño

Bilboko Udalak erdialdeko hainbat kaletan taberna gehiago irekitzeko baimenik ez duela emango eta, Unai Fernandez de Betoño arkitekto eta EHUko irakasleak Euskal Herriko hiriburuen antolaketa urbanistikoaren errepasoa egin digu. Turistifikazioa, gentrifikazioa, nortasun-galera, gehiegizko zabalpenak… hiriburu bakoitzak badu bere aje urbanistikoa.

Jabier Sanez (ESP): “Marotoren murrizketek bere horretan diraute urtebete eta gero”

Jabier Sanez (ESP): “Marotoren murrizketek bere horretan diraute urtebete eta gero”

pdsEkainak 13, astelehena. Urtebete Urtaranek Gasteizen alkatetza lortu zuenetik. Urte bat eta gero, Marotok aurrera eramandako murrizketek bere horretan dirautela salatu du Jabier Saenz Eskubide Sozialen Aldeko Plataformako kideak. Hau salatzeko eta neurri hauekin oso pozik daudenei “omenaldia” egiteko, gaur 19:00etan kalejira eta omenaldia antolatu dute Gasteizen. Hala ere, umorez bada ere, abisatu dute: “Ez ekarri pastelik, hau banatuta dago eta”.

IRUZKINA: Ekhi Erremundegi

IRUZKINA: Ekhi Erremundegi

Lan-legearen aurkako manifestazioa

Lan-legearen aurkako manifestazioa

Ekhi Erremundegi Berriako kazetariak egin du iruzkina gaur HIZPIDEAn. Frantziako Estatuan abiatu nahi duten lan-erreformaren aurkako greban daude langileak, eta horrek badu bere eragina Ipar Euskal Herriko kaleetan. Gaur bertan hasiko den futboleko Eurokopak erabaki dezake mobilizazioen eta lan-erreformaren beraren etorkizuna.  Frantzian gertatzen ari denarei buruzko etenaldi informatiboa hautsi du Erremundegik, bertako berri emanez.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies