Alegazio oldea Lurralde Plan Sektorialari
Epea amaitzear dagoela, 4.000 alegazio baino gehiago jaso ditu Energia Berriztagarrien Lurralde Plan Sektorialak, hasierako onespena atzera botatzeko asmoz. Euskal Herria Bizirik plataformak milaka alegazio aurkeztu ditu gaur Eusko Jaurlaritzan. through Alea.eus
Argazkia: Euskal Herria Bizirik
Maiatzean, Eusko Jaurlaritzak hasierako onespena eman zion Energia Berriztagarrien Lurralde Plan Sektorialari (LPS). Araban 42 kokapen aurreikusi dituzte: energia eolikorako 19 gune eta energia fotovoltaikorako 23 eremu; Araba, Bizkaia eta Gipuzkoan guztira 110 eremutan aurreikusi dute zentral eoliko eta fotovoltaikoak kokatzeko.
Alegazioak aurkezteko epea datorren astelehenean, uztailaren 24an, amaituko da. Azpiegitura handien aurkako Euskal Herria Bizirik plataformak elkarretaratzea egin du ostegun honetan Eusko Jaurlaritzak Lakuan duen egoitzaren aurrean, eta bertan, alegazioen entregatze ekintzarekin batera, jakitera eman du gutxienez 4.000 alegazio aurkeztu dituztela askotariko herritarrek, elkartek, sindikatuek, udalek eta batzar administratiboek, LPSa atzera botatzeko asmoz.
Euskal Herria Bizirik-ek sustatutako herri alegazioa 3.500 herritar inguruk babestu dute, eta gainerako alegazioak modu batean edo besteak eragindako norbanako zein eragileen argudioak jaso dituzte. Alegazioen bitartez zein azken hilabeteetako mobilizazioetan, energia azpiegitura handiak eraikitzeko martxan dauden proiektuak bertan behera uztea eskatu dute.
Alegatutako elementu nagusien artean daude, besteak beste, plana izapidetzean antzemandako “irregulartasunak” eta ingurumen inpaktuari buruzko alderdi garrantzitsuak “aintzat ez hartzea”, bai eta sortutako beste gatazka batzuk ere, hala nola planak lurraldearen antolamendurako gidalerroekin edota udal plangintzetan zein eskualdeko lurralde plan partzialetan natura ingurunea babesteari, korridore ekologikoak zaintzeari, biodibertsitateari, nekazaritza ekosistemak mantentzeari eta paisaiari dagokienez ezarritako helburuekin.
Aurkeztutako alegazio kopuru handiak “erantzun sozial zabala” agerian utzi duela uste du Euskal Herria Bizirik-ek, “nahiz eta Eusko Jaurlaritzak aurreko udal eta foru hauteskundeetako kanpainarekin batera atera zuen jendaurrera, herritarren parte hartzeari eta eragindako udalen eta aldundien erabakiari kalte egiteko ahalegin argian”.
Arantxa Tapiak zuzendutako sailari “energia enpresa handietako eta inbertsio funtsetako interesen mesederako eredua bultzatzea” leporatu diote, “lurralde, gizarte eta ingurumen inpaktu handiak eraginez”.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
