Alazne Intxauspe (EHNE): “Elikadura osasuntsua gure ongizatearen oinarrietako bat da”
Azaroaren 6tik 8ra elikadura burujabetzaren aldeko jardunaldiak antolatuko dituzte IPES eta Labore Bizkaia elkarteek. Bertan elikadura burujabetzak Bilbo bezalako hiri batean daukan garrantziaz hitz egingo dute, eta horretarako beste esperientzia batzuek ere ezagutuko dituzte.
EHNE Bizkaiako kide Alazne Intxauspe izan dugu Hizpidean. Bera izango da hizlarietako bat azaroaren 7an egingo den “Gazteak eta Emakumeak Nekazaritzaren Etorkizuna” mahai inguruan. Jardunaldien garrantziaz aritu zaigu Alazne, eta bizitza osasuntsua izateko elikadura burujabetzak daukan garrantziaz. Ekoizleak eta kontsumitzaileen arteko banaketa gainditu eta elkarlanean aritzearen alde agertu da Alazne, etorkizunerako erronka bezala.
Izan ere, nekazari eta kontsumitzaileen arteko aliantzak bultzatzeko moduen ingurukoa izango da astearteko hitzaldia. Bertan, nekazarien eta kontsumitzaileen artean dauden mugak gainditzeko bideak bilatuko dituzte, formula ezberdinak aztertuz.
Azkenerako, ostegunean, Ipar Euskal Herriko esperientziez hitz egiteko aukera izango da, asko baitaukagu ikasteko Iparraldeko laborantza ereduaz, Alazneren hitzetan.
Elkarrizketa osoa entzun dezakezue hemen.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
