Arrosa koloreko irratiak
Zarautzen, Putzuzulo gaztetxean burutzen ari diren Arrosa irrati Sarearen bigarren jardunaldiak euskal irratigintzaren emariaren adierazle ari dira izaten.
Irrati ezbedin ugaritako kideak elkartuta, goizean zehar tailerrak burutu dira bi bloketan. 10:00etan lehenengo blokea eta 12:00etan bigarrena.
Bazkari bero baten laguntzaz barruak berotu, atseden hartu eta une honetan Arrosa Irrati Sarearen inguruko hausnarketa ari da garatzen:Zarautzera gerturatutako hainbat irratik elkarren berri eman, Arrosaren sorreraren inguruko memoria egin eta Arrosaren etorkizuneko beharretaz hausnartzen ari gara une honetan.
Gaur gerturatutako jende eta irrati kopurua ikusita, esan daiteke irratigintza eta Arrosarearen etorkizuna arrosa kolorekoa dela.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
