Vibora taldeak nazioartean zabalduko du bere hozkada
Datozen hilabeteetan Euskal Herriko, Europako eta AEBetako hogei agertoki baino gehiagotan izango da Vibora hardcore talde gasteiztarra, 'Zaldi Beltza' diskoa aurkezteko bira berriaren barruan. through Alea.eus
Iazko udan Europako oholtzak astindu ostean, Vibora taldeak Zaldi Beltza bere lehenengo LPa kaleratu zuen irailean, azken urteetan garatutako emotional hardcore, screamo, metalcore eta crust soinuak borobilduz, eta bere burua Gasteizko zein Euskal Herriko hardcore eszenaren zalantzarik gabeko erreferentzia gisa baieztatuz.
Azken hilabeteetan, laukote gasteiztarrak estatuko zenbait herri eta hiritan izan du lan berria aurkezteko aukera. Orain, laster iritsiko den udaberriaren atarian, nazioarteko eszenaren konkistara abiatu dira berriz ere. Joan den asteburuan ekin diote aurkezpen bira berriari, martxoaren 2an eta 3an, Barañainen eta Bermeon.
Uda arte, Euskal Herriko gaztetxe eta aretoetan ez ezik —Algorta, Gernika, Larrabetzu…—, Europan eta Amerikako Estatu Batuetan izango dira ere; Madrilgo Oscuro Culto eta Crossed taldeekin batera, hurrenez hurren.
Euren Europako hirugarren biran, besteak beste, Paris, Amsterdam, Kolonia, Mainz, Zurich, Trento, Bolonia, Milan eta Toulouse hirietatik igaroko dira, Frantzian, Holandan, Alemanian, Suitzan eta Italian, martxoaren amaieran eta apirilaren hasieran.
Putzuaren bestaldean, lehen aldiz AEBetan, Pittsburgh, Brooklyn (New York), Philadelphia, Baltimore, Cincinnati, Indianapolis eta Chicagon izango dira apirilaren amaieran eta maiatzaren hasieran. Azken hiri horretan agurtuko dute nazioarteko bira, ZBR Fest sreamo jaialdian.
“Sarrerak agortuta”
AEBetatik etxera bueltan, atsedenerako tarte bat hartuko dute, Villabonan eta Gasteizen bira borobildu aurretik. Oraingoz, baieztatutako azken emanaldiak dira horiek. Jimmy Jazz aretoko hitzordua ekainaren 8an izango da: Viborak Anestesia taldearekin elkarbanatuko du oholtza; 35 urte baino gehiagoko ibilbidearen ostean, Zarauzko traschore talde mitikoaren agur kontzertua izango da, eta sarrerak aspaldi agortu ziren.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
