Michelingo langileak masiboki mobilizatu dira
Hitzarmen berriaren negoziazioen erdian, Michelinek Gasteizen duen fabrikako plantillak erosteko ahalmena berreskuratzeko soldata igoera handiagoa exijitu du. Ehunka langilek elkarretaratzea egin dute gaur lantegiaren aurrean. through Alea.eus
Gasteizko Michelingo langileen elkarretaratzea. Argazkia: ELA
Irudi ikusgarria utzi zuen atzo eguerdian Gasteizen, 13:00etatik 14:30era, Michelingo 600 langile baino gehiagoren mobilizazioak. Duela bi hilabete inguru hasi zen hitzarmen berriaren negoziazioa; zuzendaritzak eta sindikatuek estatu mailan negoziatzen dute, eta dagoeneko sei bilera egin dituzte.
Sindikatuen lehen proposamenak %27ko igoera planteatzen zuen lau urtean. Zuzendaritzak, berriz, %10eko igoera (KPIaren bermerik gabe) eskaini die, oraingoz, langileen ordezkariei. Elkarrizketak martxan daude oraindik, baina sindikatuek salatu dute enpresak “lehenbailehen” itxi nahi duela negoziazioa, eta horrek langileen haserrea piztu du.
Langileen ordezkariek erosteko ahalmena berreskuratzeko moduko soldata igoera exijitu dute, inflazioaren etengabeko igoeraren aurrean. Horrez gain, lanaldia murriztea, lanaldi gehigarriak kentzea eta behin-behinekotasuna murriztea proposatu dute sindikatuek, baita osasuna babesteko eta bizi kalitatea hobetzeko neurriak, bereziki adineko langileentzat.
Zuzendaritzari negoziatzera deitzeko elkarretaratzeak egin zituzten atzo, Gasteizen ez ezik, Aranda, Valladolid, Almeria eta Lasarteko lantokietan.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
