Mas Asfalto: 3. KARTZELA
3. programan kartzlea landuko dugu. Hasteko, presondegien egoera pandemia garaian aztertuko dugu, gero, Zaballako kartzelaren kasuan sakonduko dugu. Bestetik, kartzelaren funtzioa eta zigorraren zentzua gizarte burgesean ikasiko dugu solasaldi baten bitartez.
Hasteko, Atal Koiunturalean Gasteizen otsaileko hilabetea utzi dituen zenbat berri aipatuko ditugu, esaterako, Aiaraldeko lan gatazkak; GKS, Itaia eta Pablo Haselen harira egin diren mobilizazioak. Beste alde batetik, Itaiak martxan jarri duen kanpainaren azalpena izango dugu. Jarraitzeko, IKASeko kide batek Martxoaren 25erako deitutako mobilizazioa aurkeztu eta ikastetxe desberdinetan aurrera eramandako borrokak azalduko digu. Amaitzeko, Kontseilu Sozialista Gasteizek Martxoak 3aren harira prestatu duen egitaraua eta azalpena izango dugu.
Atal tematikoan, Salhaketaren eskutik presondegien egoera pandemia garaian aztertuko dugu eta Zaballako presondegiaren kasua plazaratuko digute. Beste alde batetik, Zaballako mediku baten bitartez Zaballako presondegian jasotako heriotzak eta baldintza sanitarioak azalduko dizkigu. Amaitzeko, Bele Beltza eta GKSen arteko solasaldia egingo dugu kartzelaren funtzio soziala, zigorraren zentzua gizarte burgesean eta zigorraren bestelako erabilerataz hausnartzeko.
Amaitzeko, ekoizpen artisitikoan kartzelako kulturaren zenbait definizio emango ditugu, bai kartzelaren funtzioa eta bertan ematen diren joerak ezagutzeko. Beste alde batetik, kartzelaren kanpoko eta barneko ikuspegitik sortutako artea aztertu dugu eta azkenik, Pablo Haselen kasua aipatu dugu.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
