Pandemiarekin bueltaka…
Barkatu behin eta berriz errepikatzea, baina uste dut pandemiaren (eta haren tratamendu instituzionalaren) inguruko gaiari buruz modu publikoan hitz egitea gero eta beharrezkoagoa dela; izan ere, gure bizitzan eragin handia izaten ari da, egunez egun eta dagoeneko bi urtez. Zapateneon badakigu zaila dela, jarrerak oso kontrajarriak daudelako, baina uste dugu beharrezkoa dela gaiari lasaitasunez heltzea, eraman nahi gaituzten lubaki ideologikoetatik defentsa itsua saihestuz. Hori dela eta, gaiari buruzko eztabaida batzuk antolatzeko asmoa dugu, eta horiei buruzko informazio zehatza emango dizuegu antolatuta izatean, parte hartu nahi baduzue ere.
Oraingoz, hausnarketa batzuekin uzten zaituztegu (Maite Fernandez Landaluce gure lagun maiteak argitaratutako artikulu batzuetatik aterata, non pandemiaren inguruko alderdiei buruzko galderak egiten ditu). Hausnarketa horiei bertso itxura eman diet, Habanera, zehatzago esanda, gehiegi ez nekatzeko. Jakina, Maiteren testuen zati txiki bat baino ez dute jasotzen, eta berak nik baino askoz hobeto adierazten du. Beraz, testu horiek irakurtzera gonbidatzen zaituztet. “Kutxiko Txoko Txikitutik” blogak ere bildu ditu textu horiek.
Hona hemen bertsoak:
Habanera. Hamaseiko berdina, 8 puntuz eta 8 silabaz.
Bi urte daramatzagu birusa gora eta behera,
pandemia denon ahotan, denok medikuen antzera;
ia denok esaten dugu behin ta berriz gauza bera:
hedabideen datuak, agian beste aldaera…
Baina iritzi kritikoak ezin ahotik atera,
negazionistatzat jota zuzenean eroetxera
eramango zaituzte eta han izango duzu aukera
konturatzeko eroak barrukoak ez, bai zera!
Nahiko mugiezina denez gai honekiko jarrera,
agian hobe litzake egin pare bat galdera:
Birus bat geldiarazteko balio du edozein jarduera?
Debekatu behar dugu den-dena hemendik aurrera?
Eta den-dena esatean, aisialdiaz ari gera,
lan arloa ezin ukitu, a zer nolako galera!
Zilegi ote da beldurra zabaldu lur eta haizera?
Edo jendea banandu pase baten arabera?
Mikel Lacalle (Zapateneo)
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
¿Quieres apoyar a Hala Bedi?
En Hala Bedi construimos un proyecto comunicativo libre, comunitario y transformador. En el día a día, cientos de personas participamos en este proyecto, observando la realidad que nos afecta y tratando de transformarla junto a los movimientos populares.
Nuestros contenidos son libres porque nadie nos dicta qué podemos publicar y qué no. Y porque difundimos estos contenidos de forma libre y gratuita, con el objetivo de difundir, compartir y transformar.
Sin halabelarris, las socias y socios que apoyan económicamente a Hala Bedi, esto no sería posible. ¡Hazte halabelarri y apoya a Hala Bedi!
1 thought on “Pandemiarekin bueltaka…”
Kaixo Mikel.
Eskerrik asko zure lanagatik. Ez da lehen aldia atal honetan idazten duzula: Covid pasearen kontra eta maskaren kontra adibidez. Beldurra ezartzen dela…
Eztabadaidarako gonbitea egin duzunez, hara hor…
Pasearen aurka asko gara, baita kalean maskarak erabiltzearen kontra ere. Badakigu, agintariek zer duten herritarroi eskaintzeko. Baina, herri mugimenduko kide gisa, zein neurri sanitario proposatzen duzu? Komunitatea nola babestuko zenuke? Horrelakorik ez dut bat bera ere aurkitu zure artikuluetan.
Ez al duzu uste aukera gal(du)tzen dugula zaintzaren eta osasunaren inguruan komunitatea eta herri mugimendua trinkotzeko? Egungo egoerak aldatzeko hor egon daitekeela gako bat?
eskerrik asko