Euskaraldia
Ariketa soziala. Gogoeta kolektiboa. Ikusgarritasun hausnarketa. Kohesio ahalegina. Mintzairaren laborategia. Ahalduntze identitarioa. Ikerkuntza kateatzailea. Saretze prozesua. Ebakuntza osatzailea. Sen batuketa. Izatearen eztanda. Dantza jasangarria. Hizkuntzaren ehuntzea. Beharraren garrasia. Nahiaren bizipoza.
Lasterketa eraikitzailea. Loraldi koloretsua. Arimaren gorpuztea. Gorputzaren arimatzea. Herria hitzetan hizlari. Hizkuntza abiapuntu, metodologia eta xede. Gizartea inplikazioan txertatua. Erabaki ezinbestekoa.
So eztenkariak. Mintzo lotzaileak. Ilusioaren aupada. Gogoaren indarra. Eskuen elkargunea. Abentura eraldatzailea. Mariren agerlekua. Aitorren hizkuntza zaharra berritua. Amaiaren sabel sortzailea. Izarren gau argitua. Zer garen dakigun guztion elkargunea. Bagara, bagera, bagira, bagare olatuen uholdea.
Erresumaren kondaira ahaztua. Hauspotze askatzailea. Arnasaldi garbi eta aratza. Heldulekua eta euskarria, gailu bihurturik. Loalddi gozoa. Amets iraultzailea. Lurrikara tektonikoa. Azkenengo lehenengo harria. Harrikada konplizea. Euskaldun izatearen pekatu atabikoa. Papar harroaldia.
“Cuando un rio desemboca en el mar forma un estuario, y en ese habitat viven animales de rio y de mar: cangrejos…”
Atzo bertan semearen D ereduko eskolan irakaslearen azalpena. Erdara hutsean ari zitzaien 10 uteko ikasleei.
EUSKARA AL DIA! Ba, horixe!
Pablo Pagegi
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
