Hala Bedi Bi-n parte hartzeko deialdi irekia, ostiralean
Abenduan jaio zen Hala Bedi Bi irrati libre eta euskaldunak zure parte hartzea nahi du. Hainbat esparrutan lagundu daiteke (irratsaio proposamenekin, teknikan lagunduz, musika aukeraketan parte hartuz…). Horretarako, deialdi irekia deitu dugu apirilaren 11n, ostiralean, Alde Zaharreko Eskola kaleko Gasteiz Txiki auzo elkartean, 19.00etan.
Eragile zein norbanako guztiak gonbidatuta daude. Proiektuari buruzko informazioa eskainiko dugu eta ostean bakoitzaren asmoen inguruan hitz egin. Jateko eta edatekoak ere eramango ditugu, deialdia gozatzeko.
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
