“Ez ohiko egoeren aurrean, ez ohiko irtenbideak”. Horixe proposatu dute Hiruki Larroxa kolektiboko lagunek, etxean sartuta gauden honetan, sexu eta genero disidenteen kuarentenarako biziraupen liburuxka, hain zuzen ere, beren izatea onartzen ez den etxeetan konfinatuta daudenentzat ihesbidea izan asmoz. Ibai Fresnedo eta Joseba Gabilondo Markesek azaldu dizkigute nondik norakoak. Entzun hemen!
Covid19aren osteko egoerari begira jarriz, Euskal Herrian aukera berriak irekitzeko une egokia dela iritzita, ekonomia ekologikoaren aldeko manifestua kaleratu du euskal komunitate zientifiko eta akademikoak. Bost ildoren baitan kokatzen den proposamena azaldu digu Unai Pascualek. Entzun hemen!
Informazioa gehiago webgune honetan: http://euskalherriapostcovid19.eus/
Ekialde Hurbilera hurbildu gaitu Aitor Bikandik. Petroleoaren krisiaren inguruko hainbat gako aipatu ditu, honen atzean dauden faktoreak azalduz eta herrialdeetan izan duen eragina azalduz, besteak beste. Ekialde Hurbileko hainbat herrialdek orain duten egoeraren berri ere eman digu. Entzun hemen!
Etxebizitza, lana eta gehiegikeria polizialaren arazoen aurrean ekimen berriak aurkeztu dituzte.
Informazio bonbardaketa izaten ari da azken asteotan. Datu kontraesankorrak, fake newsak, gehiegizko informazioa… Komunikazioak, eta bide batez, komunikabideek, paper garrantzitsua jokatzen dute egunotan. Baina argi iristen zaizkigu albisteak? Zein interes daude datuak modu batean ala bestean ematean? Komunikazioaren inguruan hausnartu dugu oraingo honetan Kalakako kide den Ilazki Gainzarekin. Gako interesgarriak mahaigaineratu ditu. Entzun hemen!
Astero bezala, sormenaren tartea izan dugu. Haur eta gazte literaturaz aritu zaikigu, ohi duten bezala, Jon Aranburu eta Garazi Arrula, zehazki, Gianni Rodari idazleari buruz, aurten egiten baitu 100 urte sortu zela. Ez galdu!
Hala Bediko Aimarren eskutik jaso ditugu gaurkoan albiste nabarmenduak. Koronabirusaren garaian bizi dugun alde ilunena erakusten dituen albisteak ekarri digu, azken egunotan gertaera lazgarriak jazo baitira Araban.
Salhaketako kidea den Julen Guarestirekin mintzatu gara espetxeetako egoeraz.
Oinherri egitasmoak “Gora Haurtzaroa” ekimena burutuko du igande honetan, eguerdiko 12:00etan.
Hilabete pasa da Batera Sarea sortu zenetik.
Euskal preso politikoen egoeraz mintzatu gara gaurkoan.
Hibai Arbidek Greziako kolaborazioa egin digu gaurko Europara Begirako tartean.
Ekai Centerreko Adrian Zelaiarekin Covid-19ak ekonomian izaten ari dituen eraginen inguruan mintzatu gara.
2018 Gure eduki guztiak Creative Commons Aitortu 4.0 Nazioartekoa Baimen baten mende daude.
