Archived: Arabatajada, Arabatukada, Arabatakada 3k-n
Aste berezia izan da hau Hego Euskal Herrian. Denok ibili gara greba gora-greba behera eta gu ere bai, noski. Horregatik, ostegunean greba egin genuelako, ez dugu elkarrizketarik izan aste honetan. Hala ere, aste honetako saioa bete-betea izan dugu.
Irratsaioko gai nagusia, izenburuan agertzen den moduan, azken urteotan Araban egiten den musika jaialdirik potenteenetako bat dugu: Arabatakada. Aurten datarekin arazoren bat edo beste izan dute (hauek ere grebarekin gora-beheratan), eta azkenean hilaren 22an, ostiral honetan, egingo dute.
Kartela benetan erakargarria da, eta ziur gustuko zerbait topatuko duzuela:
Eguerdi partean Yaw eta Zaunkak joko dute, maketa lehiaketaren irabazleek.
Eta arratsaldean: Sexty Sexers, Izate, Txapelpunk, Deabruak Teilatuetan, Des-kontrol, Vendetta, Tximeleta eta Soziedad Alkoholika
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
