Nork kantatuko duen, nork aurkeztu? ondoan daukazuen bideo polit honetan ikusi dezakezue hori.

Bertara joateko asmoa izan eta oraindik ez duzuela sarrerarik lortu? oso erraza daukazue:www.bertsosarrerak.eu helbidean lortu ditzakezue erraz-erraz, eta baita ondorengo lekuetan ere: Gasteizko Amaia zentroan , Laudioko Ilargi Tabernan, Amurrioko Txokogorri Tabernan, eta Aguraingo Txirrita Liburudendan. Noski, egunean bertan Printzipal Antzokian ere erosi ahal izango dituzue.

Bertara joateko asmorik ez, edo ezin duzuela joan? laaasai, irrati santu honek zuzen-zuzenean eskainiko baitizue finala, komentarista aditu eta guzti: nor hobe, Lehengusu, Beltza eta Burrito bertso-entendituak baino, finalaren berri modu profesional batean emateko.17:00ak inguruan hasi (hau da, patxaranak tregua ematen duenean), eta finala goitik behera larrutu… ejem, erretransmitituko dizuete.

Aitzakia gutxi, beraz, aukera polit hau galtzeko. Gozatu eta bete!

Hala Bedi babestu nahi duzu?

Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.

Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.

Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!