Erraietatik: June Fernández: «Heteroarauan eroso dagoen jendearen eskemak apurtzeko balio dezake ’10 ingobernables’ liburuak»
June Fernández kazetaria, ’10 ingobernables’ liburuaren egilea
Pikara Magazineko June Fernández kazetariarekin izan dugu Erraietatik irratsaioaren lehen ataleko elkarriketa nagusia, Libros del K.O. argitaletxearen eskutik kaleratu berri duen ’10 ingobernables’ liburuaren inguruan.
Lan honetan 10 istorio aurkitu ditzakegu: aniztasunean sakontzen eta bere aniztasuna plazaratzen duten pertsonen istorioak; kultur hegemonikoari eta heteroarauei aurre egiten dioten pertsonen istorioak. Testuliburuetan agertzen ez diren 10 heroi gobernaezinen memoria berreskuratu du June Fernández-ek. Zentzugabeko normaltasunaren ereduaren aurrean, bizitza konplikatzea erabaki duten 10 pertsonen memoria.
Gainera, urriaren 26an, asteazkena, 19.00etan Gasteizko Ignacio Aldekoa Kultur Etxean aurkeztuko du liburua, eta bertan lan honen inguruan sakontzeko aukera izango dugu.
’10 ingobernables’ liburuaren aurkezpena, urriaren 26an, asteazkena, 19.00etan Gasteizko Ignacio Aldekoa Kultur Etxean.
-
Erraietatik: June Fernández: «Heteroarauan eroso dagoen jendearen eskemak apurtzeko balio dezake '10 ingobernables' liburuak»??:??:??
Hala Bedi babestu nahi duzu?
Hala Bedin proiektu komunikatibo libre, komunitario eta eraldatzailea eraikitzen ari gara. Egunero, ehundaka gara proiektuan parte hartzen dugun pertsonak, eragiten digun errealitatea behatuz eta hura eraldatzen saiatuz, herri mugimenduekin batera.
Gure edukiak libreak dira, inork ez digulako agintzen zer argitaratu dezakegun eta zer ez. Eta eduki hauek dohainik eta modu libre batean zabaltzen ditugu, hedapena, elkarbanatzea eta eraldaketa helburu.
Halabelarririk gabe, Hala Bedi ekonomikoki sostengatzen duten bazkiderik gabe, hau ez litzateke posible izango. Egin zaitez halabelarri eta babestu Hala Bedi!
